• 【影片】中式杏仁酥
    美食
    Cook1Cook煮一煮

    【影片】中式杏仁酥

    中式的小點心,充滿杏仁香,超香酥的小餅乾,超美味!做法簡單,用來做下午茶點或送禮小點心,超讚! 我的YouTube頻道:http://bit.ly/2gd4Jgt 可到我的Facebook 專頁,看更多食譜及杜拜生活分享> http://www.facebook.com/MrsPsKitchen1

  • 脆炸魔鬼魚配四川香辣汁
    美食
    Cook1Cook煮一煮

    脆炸魔鬼魚配四川香辣汁

    魔鬼魚全魚只有軟骨,炸香後卜卜脆全條可以食;但魚味較淡,宜配濃味醬汁,做一個口水雞汁~四川香辣汁~配合,香脆惹味,佐酒一流! 如果喜歡這個食譜,請按下列網址支持: http://cynthiakitchen.blogspot.com

  • 【 椰青龍蝦湯 】 零失敗簡易編
    美食
    Cook1Cook煮一煮

    【 椰青龍蝦湯 】 零失敗簡易編

    有朋友仔問Chef Meow, 有冇一個快捷而又零失敗嘅煮龍蝦方法? 有! 只需要15分鐘, 加3個步驟。 味道一流之餘, 椰青嘅清香充分發揮龍蝦嘅鮮甜, 龍蝦肉爽脆彈牙,飄著陣陣的椰香味,香濃中又帶點清新! 所有Chef Meow嘅朋友一滴湯都唔留! 經過Chef Meow嘅新手入廚友仔測試, 個個都整得好出色, 佢哋身邊嘅朋友及家人都讚不絕口, 而且更加完全唔需要擔心浪費咗經貴嘅食材! 團年飯又可以有一個簡易嘅菜式選擇啦, 幾可當餸菜,亦可以當湯飲,一舉兩得!

  • 大師姐秘製蘿蔔糕
    美食
    Cook1Cook煮一煮

    大師姐秘製蘿蔔糕

    每逢新年,家家戶戶都會做各式各樣的賀年食品,其中蘿蔔糕必定最受歡迎!但做過蘿蔔糕的都知道,由刨蘿蔔絲到煮糕漿的過程是相當費力的。Kenwood非常榮幸請到蘿蔔糕高手 大師姐 Dashijie 示範使用備有預熱功能的Kenwood廚師機,輕鬆省力地做出她的秘製蘿蔔糕!想知大師姐蘿蔔糕的竅妙?立即按以下的影片觀看吧!

  • 西米焗布甸
份量:1個中型...
    美食
    Kris Wan 尹嘉蔚

    西米焗布甸 份量:1個中型...

    西米焗布甸 份量:1個中型 材料:西米克50克、椰奶約100毫升、吉士粉5克、薑黃粉1/8茶匙、菜油10克、糖5克、栗子蓉1湯匙 做法: 1\. 用大火先滾熟西米10分鐘,然後熄火焗20分鐘後沖凍水,瀝乾備用。 2\. 50毫升椰奶,倒入吉士粉拌勻。 3\. 開慢火煮,將其餘椰奶倒入鍋內,加薑黃粉、糖及菜油拌勻。 4\. 加西米粒拌勻。 5\. 將煮好的材料放入焗杯,填滿一半後,加栗子蓉,再填滿另一半。 6\. 將焗杯放在焗盤內,注入熱水。 7\. 放入焗爐,200度焗25分鐘完成。www.facebook.com/vegcolourshomekitchen Kris Wan 尹嘉蔚 @素食整色整水 FB Fans Page @ 《攪拌新煮意》《自煮簡蔬食》《我行我素》著作

  • 花旗參金羅漢果呢排應酬多感覺口乾熱氣,今朝煲咗花旗參金羅漢果水,飲完立即感覺口腔甘甜口腔舒服,成個個程約半小時,真的簡單又方便。食材花旗參片約1/3碗金羅漢果1 1/2個水2000ml1...
    美食
    文廸私人廚房

    花旗參金羅漢果呢排應酬多感覺口乾熱氣,今朝煲咗花旗參金羅漢果水,飲完立即感覺口腔甘甜口腔舒服,成個個程約半小時,真的簡單又方便。食材花旗參片約1/3碗金羅漢果1 1/2個水2000ml1...

    花旗參金羅漢果 呢排應酬多感覺口乾熱氣,今朝煲咗花旗參金羅漢果水,飲完立即感覺口腔甘甜口腔舒服,成個個程約半小時,真的簡單又方便。 食材花旗參片約1/3碗金羅漢果1 1/2個水2000ml1 將所有材料放入煲內,蓋蓋煮滾後可轉中細火煮15分鐘。2 熄火後繼續蓋蓋焗一陣先飲用。Tips :金羅漢果可隨自己喜歡加減。 我的facebook專頁會有更多食譜或短片觀看。 https://m.facebook.com/profile.php?id=1544226955848255

  • 芒果糯米飯
    美食
    佛羅倫斯小廚房

    芒果糯米飯

    芒果糯米飯是我喜愛食既甜品之一,原來自己動手做係咁簡單,你都快來試下啦 !芒果一個糯米飯一碗椰槳50g糖2茶匙做法:(1)    糯米浸三小時後大火蒸30分鐘(2)    椰槳+糖用熱水座溶,甜度自己調較(3)    已調好椰槳混入糯米飯(4)    最後加上芒果佛羅倫斯小廚房專頁,可看到更多美食分享:https://www.facebook.com/florencelittlekitchen個人綱誌:http://florencewing.blogspot.hk

  • 甜在心饅頭
    美食
    佛羅倫斯小廚房

    甜在心饅頭

    朋友做了饅頭但效果不滿意,他問我那裡出了問題?而我一直都未做過,就是這樣令我即時要試下做饅頭呢!材料:月桂冠麵粉 (中筋) 300g糖 30gPink Salt 1.5gLactel奶 180gInstant Yeast 5g做法:(1)    將所有材料放入stand mixer打15分鐘左右。(2)    麵團搓成光滑狀態,放在深盤內,蓋上保鮮紙等發大,時間約45分鐘(3)    一發後、麵團發大約兩倍,拿出來排氣。(4)    用rolling pin 將麵團壓成長方形約2-3mm厚(5)    由上而下卷成長條,尾部沾水封口(6)    麵團平均分約4cm(7)    焗盤鋪上牛油紙,將已分好的麵團放在焗盤上(8)    進行二發約20分鐘 (麵團發大約兩倍)(9)    Miele 100度蒸23分鐘後焗6分鐘才打開門溫馨提示:-         stand mixer 一開始用1度打1-2分鐘左右,否則麵粉四散-         發酵、可以入焗爐用30度發酵-         排氣、用手壓在麵團上作排氣-         **stand mixer : Bosch M8** 佛羅倫斯小廚房專頁,可看到更多美食分享:https://www.facebook.com/florencelittlekitchen個人綱誌:http://florencewing.blogspot.hk

  • 三杯雞
    美食
    文廸私人廚房

    三杯雞

    噚晚見我家老闆食呢碟三杯雞, 食得好滋味, 我就知到煮得好成功。三杯雞惹味餸飯一流。 * 食材 * 雞件 半隻 * 蒜頭 半個 * 九層塔 十幾片 * 薑片 幾片 * * 醃料 * 生抽 半湯匙 * 胡椒粉 少許 * 糖 1茶匙 * 鹽 1茶匙 * 粟粉 1茶匙 * 油 半湯匙 * * 三杯雞醬料 * 碎冰糖 15克 * 玫瑰露酒 3湯匙 * 生抽 3湯匙 * 麻油 3湯匙 * 1, 雞先用醃料醃半小時以上, 蒜頭輕拍扁去衣, 薑要切片。 2, 利用真空煲燘燒鍋烹調, 用少許油爆香薑片, 之後下雞略煎香雞表面, 不需煎太耐。3, 無需洗鑊, 利用鑊裏雞油和麻油爆香蒜頭, 之後落三杯雞醬汁的冰糖和酒, 煮到冰糖溶化下雞。4, 雞件落鍋後炒4分鐘蓋蓋煮1分鐘, 之後放入燘燒鍋焗5分鐘。 5, 從真空煲取出燘燒鍋, 將雞醬汁略為收汁熄火, 最後落九層略炒即成。 6, 醬汁濃度稀度隨自己喜歡。 我的facebook專頁會有更多食譜或短片觀看。 https://m.facebook.com/profile.php?id=1544226955848255

  • 合桃、雪耳、栗子、海參、西施骨湯
    美食
    佛羅倫斯小廚房

    合桃、雪耳、栗子、海參、西施骨湯

    材料:合桃40g漳洲雪耳 15-20g海參2條栗子一磅西施骨 500g水1800ml鹽適量 做法:(1)    合桃及栗子洗淨去衣(2)    漳洲雪耳清水浸軟,剪去頂部,撕成小塊清洗(3)    海參浸發後用薑飛水(4)    西施骨飛水(5)    將所有材料加水 (漳洲雪耳除外) 大火煲滾後轉小火煲2小時(6)    最後45分鐘才加入漳洲雪耳溫馨提示:海參:高蛋白、低膽固醇合桃:補腎補腦雪耳:潤肺養顏栗子:養胃健顏 佛羅倫斯小廚房專頁,可看到更多美食分享:https://www.facebook.com/florencelittlekitchen個人綱誌:http://florencewing.blogspot.hk

  • 炸菜蝦米煮豆腐 (附食譜)
    美食
    芙芙little kitchen

    炸菜蝦米煮豆腐 (附食譜)

    難得有放早而阿女又早訓嘅一晚,芙芙當然唔會放過,好努力咁打緊BLOG,寫返食譜,無論有冇心機相機食先都好啦,都希望自己可以花多啲心思喺老公度,煮返多啲好味嘢俾佢食,慰勞一下佢咁辛苦放工同放假都幫手湊住阿女。 炸菜蝦米豆腐粒 食譜材料:硬豆包2件、炸菜1包、蝦米1抓、乾蔥頭1粒、 蠔油1.5湯匙、糖1茶匙1\. 炸菜沖水後切碎,蝦米浸水洗淨切碎備用,乾蔥頭切片備用。2\. 硬豆包切成豆腐粒,於平底鍋中煎至金黃盛起。3\. 燒熱油爆香乾蔥,倒入蝦米炒一會。4\. 倒入炸菜炒勻後,加糖調味。5\. 倒入豆腐粒同炒,再加入蠔油炒勻即可。 click入專頁有更多生活點滴睇架: 芙芙little kitchen炸菜與蝦米都係咸香類食物,好適合配搭淡味嘅食材。 用硬豆腐都唔及硬豆包咁實,所以芙芙就選用硬豆包。 簡單一道家常小菜,都已經好好送飯啦。

  • 蕃茄薯仔豬骨滾魚乾湯 (真空煲)
    美食
    文廸私人廚房

    蕃茄薯仔豬骨滾魚乾湯 (真空煲)

    落雨天無去街市, 在超市只買到蕃茄、薯仔和豬脊骨, 無我想買的紅衫魚, 忽然諗起朋友送咗一些魚乾俾我, 原來魚乾都可以滾到奶白湯底, 真係隨時隨地都飲到魚湯。 * 食材 * 蕃茄 4個 * 薯仔 4個 * 豬脊骨 34元 * 薑 幾片 * 玫瑰露酒 1茶匙 * 魚乾 大半碗 * 鹽 1/3茶匙 * 1, 準備材料, 煲一煲熱水用來煲湯, 蕃茄和薯仔滾筒切, 薑切片, 魚乾浸到微軟身。2, 先做魚湯上湯, 鍋可掃上一層薄油爆香薑片, 之後將魚仔煎香表面, 然後再贊玫瑰露酒和鹽, 最後用750ml熱水倒入煲內, 蓋蓋滾到魚湯變奶白色。 3, 見湯轉奶白色可熄火隔去魚乾, 魚乾較細少太易散, 所以去除魚乾和薑片。但可以加少許生油和辣油同食, 魚乾味道不錯。 4, 熱水滾後將蕃仔、薯仔和魚湯同滾, 今次選用真空煲, 我返工前煲半小時, 放工後煮20分鐘。 5, 可落少許鹽再滾一滾即完成。 TIPS 我的facebook專頁會有更多食譜或短片觀看。 https://m.facebook.com/profile.php?id=1544226955848255

  • 黑松露蘑菇湯 (附食譜)
    美食
    芙芙little kitchen

    黑松露蘑菇湯 (附食譜)

    好耐冇好好update啦,冇辦法啦, 做咗媽媽所有嘢都以阿女行先💗,阿女唔休息都唔駛指意有自由時間, 芙芙作為新手媽媽,真係唔敢放鬆落嚟😵。終於明白點解大家會話生咗BB之後,爸爸會覺得冇地位, 因為芙芙做咗媽媽之後,都真係將老公放咗喺阿女嘅後面, 真係有啲背叛咗老公嘅感覺😅。 (好在唔係生仔,唔係一定有紅杏出牆嘅感覺😛) 黑松露蘑菇湯 食譜材料: 蘑菇半磅、真姬菇1包、洋蔥半個、雞湯500ml、清水200ml、 麵粉2湯匙、黑松露2茶匙、牛油適量、忌廉80ml1\. 洋蔥切粒,磨菇切片,真姬菇去尾備用。2\. 於鍋中燒熱牛油,倒入洋蔥粒炒軟,再倒入蘑菇及真姬菇,大火炒軟。3\. 倒入麵粉拌勻,再倒入雞湯及清水煮滾。4\. 利用手提攪拌器把湯料打蓉,然後倒入忌廉煮滾,再加入黑松露即可。 芙芙little kitchen專頁:https://www.facebook.com/fulittlekitchen 想湯杰身啲就放多少少麵粉,不過芙芙覺得呢個份量已經好夠。 芙芙喜歡忌廉湯嘅香滑,唔可以落太多,否則會好重奶味。 如果喜歡食蘑菇,炒好蘑菇時可以先留起少少, 打完湯就可以加返入去,飲時就多啲咬口啦。

  • 花膠,螺頭,雞湯
    美食
    佛羅倫斯小廚房

    花膠,螺頭,雞湯

    只需三種簡單食材、煲出來的湯清甜無比!花膠:含豐富膠質、有滋陰養血,固腎培精,對於肺腎虛弱及貧血等均有功效。螺頭:滋陰補腎,高蛋白低脂肪食物,營養價值高。走地雞一隻螺頭100g花膠2-3隻做法:(1)   螺頭浸數小時後,薑蔥加水飛水(2)   花膠預先浸發好(3)   雞去皮,所有食材放入煲,煲滾後轉中火煲2-2.5小時(4)   最後加入食鹽試味溫馨提示:如有感冒不宜飲用,否則感冒存裡,難以痊癒佛羅倫斯小廚房專頁,可看到更多美食分享:https://www.facebook.com/florencelittlekitchen個人綱誌:http://florencewing.blogspot.hk

  • 黃蜂糖燉桃膠雪蓮子
    美食
    文廸私人廚房

    黃蜂糖燉桃膠雪蓮子

    講真現在無燉燕窩, 巳改燉植物燕窩桃膠, 亞仔同樣喜歡,桃膠營養價值又高價錢又平, 銀包真的慳好多。我的facebook專頁會有更多食譜或短片觀看。 * 食材 * 桃膠 16克 * 雪蓮子 8克 * 黃蜂糖 80克 * 熱水 600ml * 1\. 晨早浸透桃膠或晚上浸過夜。2, 晨早浸透雪蓮子或晚上浸過夜。 3, 糖可加可減。 4, 將巳浸透好啲桃膠和雪蓮子清理雜質。 5, 熱水落桃膠和雪蓮子, 煮約10分鐘之後落蜂糖, 當蜂糖溶化後, 將所有材料平均放入燉盅內, 放入蒸爐用100度燉20分鐘。 6, *甜度可自行試味, 蜂糖可加可減。 TIPS 黃蜂糖可改為冰糖, 冰糖份量自行測試。 我的facebook專頁會有更多食譜或短片觀看。 https://m.facebook.com/profile.php?id=1544226955848255

  • 茄汁大蝦碌
    美食
    文廸私人廚房

    茄汁大蝦碌

    好耐好耐無食過茄汁蝦碌, 自家煮好味程度真係無法形容, 有機會大家都試下整。 * 食材 * 特大大蝦 2隻 * 蒜頭 4粒 * 乾蔥頭 1顆 * * 茄汁茨 * 茄汁 3湯匙 * 糖 2湯匙 * 寿司醋 1茶匙 * 生抽 1/4茶匙 * 粟粉 1/4茶匙 * 水 1 1/2湯匙 * 1, 將茄汁茨材料攪混備用, 蒜頭和乾蔥頭琢成蓉。2, 鉸剪剪去尖角和腳, 再剪開蝦背第二至第五塊蝦殼, 再用刀𠝹開少許蝦肉挑走蝦腸。蝦用廚紙索一索水份。3, 蝦撲上粟粉用半煎炸煎蝦。4, 蝦比較大所以蝦頭部份記得都要煎一煎。 5, 先用油爆香蒜蓉和乾蔥蓉, 之後加入菇汁茨, 當茨汁滾後下大蝦。 6, 茄汁茨收汁後即完成。 TIPS 我的facebook專頁會有更多食譜或短片觀看。 https://m.facebook.com/profile.php?id=1544226955848255

  • 溏心蛋
    美食
    文廸私人廚房

    溏心蛋

    自從亞仔去完日本, 食過日本嗰邊嘅溏心蛋, 返到香港成日叫我整, 終於揾到時間的起心肝泡製溏心蛋, 亞仔食完之後, 竟然落order下次整定二十隻俾佢慢慢品嚐, 好像有點兒誇張。 * 食材 * 日本蛋 7隻 * 鰹魚汁 14湯匙 * 味琳 5湯匙 * 日本豉油 3湯匙 * 花椒 約二十粒 * 八角 1個 * 準備材料, 花椒八角沖洗乾淨, 雞蛋從雪柜落出來需攤一會兒。 蒸爐有預設功能soft boiled egg, 蒸約14分40秒,熟透後放入冰水浸到雞蛋全凍。 將液體類先放入保養袋或保鮮盒內搖混, 之後加入花椒八角, 液體如果蓋不到雞蛋, 每日轉一轉雞蛋位置。雞蛋需放入雪櫃冷藏, 當蛋切開後回温一陣蛋黃會更軟化。食後感: 蛋浸一天未達到日本溏心蛋效果, 浸兩天都巳入味, 浸三天極度相似, 所以浸糖心蛋三天效果最好。(醬汁可多次使用。) 可以配湯麵同食。 TIPS 浸之前可試下醬汁味道, 因每隻鰹魚汁和生抽都有別, 所以可以先試下味道會否太鹹, 請自行判斷。 我的facebook專頁會有更多食譜或短片觀看。 https://m.facebook.com/profile.php?id=1544226955848255

  • 鹹柑桔
    美食
    文廸私人廚房

    鹹柑桔

    收到鄰居自家種四季桔, 令我想尋找媽媽的味道, 所以同哥哥和家姐回憶媽咪當年浸柑桔秘方。 * 食材 * 四季桔 約1kg * 粗鹽 3斤 * 先將柑桔頂部枝節剪平, 但不可以剪破柑桔。 將柑桔浸水一兩小時, 然後用毛巾抹乾淨。 熱水不用太滾, 形容滾起水泡像蝦的眼睛, 煮一分鐘。 用乾淨毛巾抹乾水份。 風乾一天。 風乾後用粗鹽醃柑桔, 鹽約用一斤半,直至柑桔收水皺皮, 時間約一星期。柑桔收水後放入巳消毒的樽內。先一層鹽一層桔。 直至鋪完最後一層要鹽蓋頂。 TIPS 文廸媽咪醃製法, 可確保柑桔不會腐爛入樽。我的facebook專頁會有更多食譜或短片觀看。 https://m.facebook.com/profile.php?id=1544226955848255

  • 素叉燒荷葉包

約4件

材料:
素叉燒⋯⋯120克
荷葉包⋯⋯4塊
青瓜⋯⋯1/4條
調味:
茄汁⋯⋯2湯匙
素蠔油⋯⋯2湯匙
...
    美食
    Kris Wan 尹嘉蔚

    素叉燒荷葉包 約4件 材料: 素叉燒⋯⋯120克 荷葉包⋯⋯4塊 青瓜⋯⋯1/4條 調味: 茄汁⋯⋯2湯匙 素蠔油⋯⋯2湯匙 ...

    素叉燒荷葉包約4件材料: 素叉燒⋯⋯120克 荷葉包⋯⋯4塊 青瓜⋯⋯1/4條 調味: 茄汁⋯⋯2湯匙 素蠔油⋯⋯2湯匙 楓糖漿⋯⋯25克做法: 1.將素叉燒切條,熱鍋下油加入素叉燒。 2.加入調味用大火炒至收汁。 3.將青瓜切絲。 4.荷葉包解凍後蒸軟。 5.將青瓜絲級數叉燒放入荷葉包內完成。www.facebook.com/vegcolourshomekitchen Kris Wan 尹嘉蔚 @素食整色整水 FB Fans Page @ 《攪拌新煮意》《自煮簡蔬食》《我行我素》著作

  • 【營養師教你】美肌去水湯!五色彩虹素湯
    美食
    註冊營養師Gloria - 為食營人

    【營養師教你】美肌去水湯!五色彩虹素湯

    農曆新年要見晒啲親戚朋友,想以最佳狀態示人?等我介紹一款五色彩虹素湯,幫大家減肥、美肌、去水腫! 新年前夕,好多人都不停打邊爐、食多芡汁嘅中菜,呢啲食物都高鹽分,容易引致水腫。而呢個素湯裏面包含五種高鉀質蔬菜,可以幫你排走多餘嘅鹽分,趕走「包包面」!而且紅菜頭嘅甜菜紅、紅蘿蔔嘅胡蘿蔔素、椰菜的多酚類、洋蔥嘅硫化物、蕃茄嘅茄紅素,都可以有助抗衰老,保持皮膚年輕有光澤! 做法好簡單,只要花5分鐘準備,煮30分鐘就飲得!祝大家飲過紅菜頭湯之後,新一年「紅」運當頭、大「紅」大紫! 材料: 一個紅菜頭(去皮) 一條蘿蔔(去皮) 一個洋蔥(去皮) 一個番茄 半個椰菜 六粒生合桃 三片薑 五碗水 做法: 將所有材料切塊,用中細火煮30分鐘,即可享用! 錄自:註冊營養師Gloria - 為食營人