• 金蠔
    美食
    黃師奶廚藝小百科

    金蠔

    <<金蠔>> 個BLOG又生草咗幾日~冇錯…月月又病咗~一返學又病LU~唔知幾時先捱過呢D返學會易病嘅日子呢?!今日見到有金蠔賣~知道黃先生鍾意食就買咗~~加少少蜜糖煎~甜甜哋唔錯架~!材料: 金蠔八隻 調味: 蜜糖少許STEP 1 將金蠔沖洗乾淨, 再抺乾水份STEP 2 將金蠔蒸約4-5分鐘後盛起, 再抺乾STEP 3 燒紅鑊後將金蠔煎香~加少少蜜糖再兜勻即成~! http://www.wongc9.com/

  • 賀年創意食譜。雪糕。雞包仔
    美食
    Candacemama

    賀年創意食譜。雪糕。雞包仔

    雞年啊!! 聽講四圍都係雞呢, 咁就不如連早餐麵包都係雞仔啦~~ 雞仔麵包咪就係雞包仔囉~ 跟大家分享我的呃到人的 - 雪糕雞包仔~材料: 鹽4g 高筋麵粉250g 低筋麵粉30g 蜜糖30g 牛奶180ml 牛油30g 即用依士5g 南瓜粉12g 雪糕筒 白色不用調溫朱古力鈕 不同顏色朱古力筆做法: 1\. 將所有材料依次序放入麵包機內,並啟動麵包麵團操作程序。 2\. 麵團完成後,取出。 3\. 取38g麵團,加2g南瓜粉,搓成均勻黃色及光滑麵團。完成所有麵團,約為6個。 4\. 麵團蓋上布,發酵1小時。 5\. 蓋上錫紙,放入已預熱焗爐以180'c焗15分鐘,取出放涼。 6\. 雪糕筒以刀切去尖端部位,讓其可以站立在平面。 7\. 朱古力鈕隔熱水座溶,在雪糕筒開端位置塗上朱古力漿,放上麵包,待凝結。 8\. 在麵包頂部加少許朱古力醬,並灑上朱古力針,以朱古力筆畫上各細節。   Instagram: cancan_ku Facebook page: https://m.facebook.com/candacemama

  • 賀年創意食譜。朱古力班戟小雞
    美食
    Candacemama

    賀年創意食譜。朱古力班戟小雞

    新年除咗年糕蘿蔔糕,一大堆糕以外,仲會唔會有其他呢? 不如試下利用最近好好好興的煮食神器,一齊攪攪新意思啦~~ 仲要好簡單喎。。。材料: 日式班戟粉一包(200g) 鮮奶150ml 雞蛋一隻 糖60g 白朱古力鈕200g 各色朱古力筆做法: 1\. 預備一量杯,加入鮮奶及雞蛋拌勻。 2\. 加入糖再拌勻。 3\. 加入班戟粉攪拌至完全沒粉粒。 4\. 預備小丸子鐵板,調較至小火,倒入粉漿。 5\. 各底烘煎至金黃後,以竹纖反轉,再煎另一邊至熟,放涼。 6\. 白朱古力鈕放大碗內,隔熱水座溶。 7\. 利用竹纖將班戟球放入朱古力漿內,沾滿朱古力醬,放牛油紙上待凝結。 8\. 在已凝結的班戟球上,以朱古力筆畫上細節。 Instagram: cancan_ku Facebook page: https://m.facebook.com/candacemama

  • 足料蘿蔔糕
    美食
    Casa Cookery

    足料蘿蔔糕

    材料:白蘿蔔  2斤,2/3刨絲, 1/3切條 (瀝乾水)^ 臘腸  1條,切粒 潤腸  1條,切粒 臘肉  約1/4條,切粒 冬菇  3隻,浸軟,切粒 蝦米  2湯匙,切碎 瑤柱  3粒,浸軟,撕開 粘米粉  170克 鷹粟粉  50克 雞粉  1茶匙 白胡椒粉  1/2茶匙 鹽1/2茶匙 水* 1杯 芝麻 蔥花 *小貼士: 可用浸蝦米、瑤柱及蘿蔔水(刨蘿蔔時滲出的水份)代替清水,會更好味 ^可按個人喜好加減蘿蔔絲及條的比例 製作:1\. 不用落油,將臘腸、潤腸、臘肉放入冷鑊,以中火爆香材料 2\. 臘味出油後,加入冬菇、蝦米及2/3瑤柱,炒至瑤柱及蝦米傳出香味及變脆身 3\. 加入蘿蔔, 與其他材料炒勻,炒約10分鐘,至蘿蔔轉透明(蘿蔔會開始出水) 4\. 將粘米粉、鷹粟粉、雞粉、白胡椒粉、鹽及水混合,加入蘿蔔絲中,炒至完全混合,蘿蔔會開始變糊 5\. 將蘿蔔漿倒入蒸盤(至8成滿),再用濕刀背掃平表面 6\. 用大火,蒸約45-50分鐘(蘿蔔糕熟時會慢慢"升起", 所以蘿蔔漿不能倒至全滿,否則蒸時會滿瀉) 7\. 以中火,將最後一粒瑤柱炒至金香,盛起備用 8.取出蘿蔔糕,襯熱灑上芝麻、蔥花及瑤柱絲即成

  • 黑毛豬臘味蘿蔔糕
    美食
    B's Kitchen

    黑毛豬臘味蘿蔔糕

    好快到新年,又係準備蒸糕送禮既時候! 今年用咗黑毛豬甘香臘腸黎整,冇咁肥膩而且味道仲好香添! 材料: (份量可整4個 8”x4.5” 長形錫紙盤) 白蘿蔔(去皮後) 1.8kg (約3斤) 粘米粉                 240g 鷹粟粉                 120g 水                         720ml(包含蘿蔔水、浸菇水, 蝦米水同浸瑤柱水) 黑毛豬甘香臘腸   4 條 臘肉                     3-4片 冬菇                     3-4隻 (用水浸軟) 瑤柱                    4-5粒 (用水浸軟) 蝦米                    約 50g 油                        2湯匙 薑                        2片調味料: 雞粉     1.5茶匙 鹽         1茶匙 (試過唔夠咸先加) 片糖     ¼ 條 胡椒粉 少許做法: 1)先將蘿蔔一半刨絲,一半一切粗條狀,刨絲剩下既蘿蔔水留用2)把臘腸、臘肉、冬菇切粒,瑤柱用手撕成絲狀備用3)用鍋加少許油,以中火爆香臘腸、臘肉、蝦米、冬菇 、瑤柱,炒約7-8分鐘撈起備用 4)跟住放薑片落鍋爆香,然後落蘿蔔絲同條,倒入250ml 既水或者蘿蔔水,再加片糖同少許胡椒粉,滾後加蓋以細火煮約20分鐘5) 煮好既蘿蔔隔去多餘水份,跟住蘿蔔水、浸菇水、蝦米水同瑤柱水,全部混合起來約有 720ml, 如唔夠可以再加清水6)用一隻大碗混合粘米粉和鷹粟粉過篩,再倒入720ml 既混合液同調味料攪勻至冇粉粒7) 把蘿蔔倒番落鍋,用細火煮混合好既粉漿同埋2/3炒好既材料,一直攪至黏狀唔散開為止(如果唔能夠黏埋一齊,有可能係水份太多,可多加d點粟粉) 8) 用少許油搽勻錫紙盤,之後倒入混合漿掃平表面,鋪上剩餘1/3既材料係面9) 以中大火隔水蒸約1.5小時,可用牙籤拮下中間或旁邊位置,如果冇黏上粉漿便可

  • 紫薯椰汁年糕
    美食
    B's Kitchen

    紫薯椰汁年糕

    今年唔做傳統年糕, 加咗紫薯入去裡面, 顏色靚之餘又多了份香味! 愛吃紫薯既朋友可以試下喔! 材料: (可做10個細花花模)糯米粉  200g澄麵粉  50g清水     200ml椰奶     400ml紫薯粉  2湯匙香芋粉  1.5湯匙冰糖碎  約5-6湯匙菜油     少許食用金粉/金箔 少許(可以不加) 做法:1) 將清水煲熱後,加入冰糖以細火慢慢煮溶 2) 糖完全溶後先加入紫薯粉攪至均勻後,再加入椰奶攪勻就熄火,跟住再加入香芋粉攪勻,放涼備用 3) 把糯米粉、澄麵粉混合後過篩,然後將放涼咗既紫薯椰奶續少倒入去攪勻 4) 粉漿慢慢攪勻至幼滑無粉粒後,再用篩隔走較大既粉粒 5) 用少許菜油掃勻模具內,跟住就可以倒入粉漿 6) 靜待幾分鐘後,放落鑊以中大火蒸約1.5小時,用牙籤拮下糕熟會有少少黐住 7) 放涼後擺入雪櫃冷凍約1小時會較易脫模,之後隨個人喜好灑上食用金粉或金箔作裝飾。