• 泰式薄荷豬肉沙律
    美食
    Cook1Cook煮一煮

    泰式薄荷豬肉沙律

    泰式烤豬肉配魚露,紅糖,薄荷 葉和紅辣椒,味道多層次口味,令人食慾大增。 這道菜可以用生菜包裹着吃,或可配粉、麵,飯吃。烤過的豬肉,加上新鮮薄荷葉,味道鮮美,食得更清爽健康。

  • 泰式肉碎生菜包 (附食譜)
    美食
    芙芙little kitchen

    泰式肉碎生菜包 (附食譜)

    芙芙喜歡泰國菜嘅原因,除咗因為香料嘅味道好清新之外, 就係大部份菜式都用好多蔬菜,無論係湯品,抑或係肉類嘅菜式, 就連整咖哩都要落好多蔬菜,所以泰國菜好少會食到好膩,一般都會越食越開胃。今次為大家推介簡單易煮嘅泰式肉碎生菜包, 絕對係派對食物嘅好主意之一,仲未諗到整咩開party, 可以試下呢道菜式呀。 泰式肉碎生菜包 食譜 材料:免治豬肉500g、蕃茄半個、生菜1棵、蒜蓉2湯匙、辣椒1條(切粒)、九層塔1棵 調味汁:生抽1湯匙、老抽1湯匙、魚露1湯匙、糖1茶匙1\. 生菜洗淨備用,蕃茄洗淨後切小塊,九層塔拔下葉子洗淨備用。 2\. 於平底鍋中加少許油,放入免治豬肉炒熟,再加入蒜蓉、辣椒及調味料同炒。 3\. 加入蕃茄炒一會後,把九層塔倒入炒至葉子變軟即可。 ↓ Follow and like ↓ Facebook:芙芙little kitchen IG: fufu_littlekitchen 有生菜包住肉碎嚟食,絕對可以平衡肉類同蔬菜嘅攝取量。 食之前加點青檸汁,清新得嚟又開胃呢。

  • 梅子麵豉蒸排骨
媽媽不在巳好幾年, 好幸運媽媽懂得醃製梅子, 令我們還可以食到這媽媽的味道。
    美食
    文廸私人廚房

    梅子麵豉蒸排骨 媽媽不在巳好幾年, 好幸運媽媽懂得醃製梅子, 令我們還可以食到這媽媽的味道。

    * 食材 * 排骨 400克 * 酸梅 2粒 * 甜麵豉 1湯匙 * [醃料] 生抽 半湯匙 * [醃料] 老抽 1/3茶匙 * [醃料] 糖 1茶匙 * [醃料] 鹽 1/4茶匙 * [醃料] 生粉 1茶匙 * [醃料] 油 半湯匙 * [醃料] 水 1湯匙 * 1,所有醃料醃排骨,醃製時間約半小時, 臨蒸前將梅子搓爛去核,將梅子肉和排骨攪勻,明火或蒸爐蒸約18分鐘。 TIPS 我的facebook專頁會有更多食譜又或短片觀看。 https://m.facebook.com/profile.php?id=1544226955848255

  • 辣炒豬肉 (附食譜)
    美食
    芙芙little kitchen

    辣炒豬肉 (附食譜)

    前排芙芙整咗個梅菜扣肉,切剩了一點五花腩,想起好耐冇煮過韓國料理,就順手整個辣炒豬肉。呢道菜用嚟帶飯簡直一流,有菜有肉又辣辣哋,真係非常惹味,一定會添飯。辣炒豬肉 食譜材料: 五花腩肉一條、大蔥1條、泡菜半碗、蒜頭半個、芝麻適量醃料: 生抽1湯匙、老抽1茶匙、鹽半茶匙、韓國辣椒粉0.5湯匙、糖適量、胡椒粉適量、生粉0.5茶匙、麻油2茶匙1\. 腩肉洗淨彼切片,用醃料醃10分鐘。2\. 大蔥洗淨後斜切備用,蒜頭切成蒜片備用。3\. 燒熱油,放入蒜片小火煎香,倒入腩肉炒至半熟。4\. 倒入大蔥煮至軟身,再倒入泡菜炒至所有食材熟透即可。5\. 上碟後撤上芝麻,即可享用。歡迎大家來到Facebook like下芙芙little kitchen 用韓國辣椒粉醃肉,炒出嚟嘅辣炒豬肉就唔會有好水嘅醬汁。 其實芙芙同占士哥都好喜歡韓國菜,家中常常備有泡菜、韓國辣椒粉等,隨意配搭一下就可以在家享受韓式滋味啦。

  • 豉汁排骨蒸飯
    美食
    WeShare

    豉汁排骨蒸飯

    wesharehk: 呢個星期真係幾忙架, 唔係約咗人就係要返學, 明天陪母親大人返廣州探亞叔, 星期六日又要返惠州, 所以就得今晚能夠正正經經煮餐飯食咋! 兩個人食D咩??? 食蒸飯係一個好好嘅選擇嚟架!   蒸飯做法: 將2杯米洗淨後,放入蒸盆內,加入2杯熱水(量米杯), 放入蒸焗爐先蒸20分鐘,再落埋豉汁排骨蒸多20分鐘, 食時加入煲仔飯豉汁撈勻。

  • 豉汁排骨煲仔飯
    美食
    WeShare

    豉汁排骨煲仔飯

    wesharehk: 呢個豉汁排骨煲仔飯, 係我由泰國返嚟煮嘅第一餐飯, 太耐冇整煲仔飯, 好彩都冇失手, 依然咁好味道呀! 材料: 飛排排骨$30、蔥粒適量、2杯半米 醃料: 豆豉粒1湯匙、蒜蓉1湯匙、豉油1湯匙、鹽半茶匙、糖半茶匙、 生粉1湯匙、麻油少許、水1湯匙 調味: 煲仔飯豉油、麻油、蔥粒 做法: 排骨洗淨後用醃料醃2小時; 洗2杯半米浸15分鐘後瀝乾水份,將米放入LC 22cm湯煲內, 加2杯水(量米杯)用中火煲4-5分鐘至冒煙或差不多乾水, 其間要用湯匙攪攪煲底免飯黐底,(咁就唔會有太多飯焦和濃底啦!) 將醃好的排骨放係飯面,轉最細火煲多20分鐘左右, (期間需要將煲在煮食爐上下左右移動,使飯焦平均分佈。) 熄火後唔好開蓋焗10分鐘加調味和蔥粒撈勻食得!      

  • 話梅骨
    美食
    Love Kelly's Kitchen

    話梅骨

    * * *用話梅去煮排骨,味道好夾,每一啖肉都有話梅味,好開胃😍材料: 一字排 2條(切8件左右) 話梅 5粒 紅洋蔥 1個 生粉 2茶匙 水 少許(打芡用)調味料: 生抽 3湯羮 老抽 2湯羮 冰糖 10g 茄汁 1湯羮 醋 1湯羮 水 適量做法: 1)一字排切件洗乾淨用廚房紙巾吸走多餘水份,紅洋蔥切條備用; 2)用水浸話梅15分鐘; 3)熱油鑊爆香紅洋蔥,放入一字排繼續爆香,加入話梅(連浸話梅水)、生抽老抽、冰糖和水,滾起後蓋上蓋用細火炆15分鐘; 4)再開蓋加入醋和茄汁,蓋上蓋繼續炆15分鐘,最後打芡便完成 * * ** * *

  • 蜜汁叉燒
    美食
    Love Kelly's Kitchen

    蜜汁叉燒

    自家製肉又淋D又juicy😋小朋友都食多兩碗飯! 除左用焗爐,我之前仲用過電飯煲去整叉燒☺️如果屋企冇焗爐就可以試下啦👍🏻 材料: 半肥瘦梅頭大約 一斤 調味料: 叉燒醬 3湯羮 生抽 1湯羮 紹興酒/玫瑰露酒 2湯羮 糖 1茶匙 油 2茶匙 水 少許 蜜糖 2湯羮 做法: 1) 梅頭切2塊,用鎚仔揼鬆,用調味料(除了蜜糖)醃過夜; 2) 焗爐先預熱,用210度焗28分鐘,10分鐘反一反,最後8分鐘擦上蜜糖(每邊4分鐘,只用上火) 便完成 ❤️溫馨提示❤️ 焗嘅時間要視乎肉嘅厚度,今次用差不多1吋厚,各位可以自行調整時間 💕如果屋企冇焗爐,亦可以用電飯煲💕 蜜汁叉燒(電飯煲)http://lovekellykitchen.blogspot.hk/2016/03/blog-post_59.html?m=1 歡迎訂閲👇🏻 💕YouTube Love Kelly's Kitchen Channel💕 https://www.youtube.com/cha…/UCJP2TJatbLqYcjtib5G8NKg/videos

  • 韓式辣醬炆豬肋條
    美食
    Love Kelly's Kitchen

    韓式辣醬炆豬肋條

    啖啖肉冇骨好好味!之前買左包豬肋條, 一路擺左喺冰箱度,琴晚用左辣嘅韓式醬料炆,吾駛1個鍾已經攪掂!* * *材料: 急涷豬肋條 1lb 薯仔 2個 紅蘿蔔 1/2條 紅蔥頭 1半 調味料: 韓式辣醬 4湯羮 生抽 1.5湯羮 糖 1茶匙 水 適量 做法: 1)解涷豬肋條然後切段備用; 2)熱好油鑊,煎一煎薯仔同紅蘿蔔盛起備用;3)熱油鑊爆香紅蔥頭粒,加入豬肋條炒香,然後加調味料和水,將2)回鑊兜均,蓋上蓋用細火炆40分鐘,熄火焗10分鐘就完成 💕歡迎訂閲YouTube💕 📽Click入YouTube 連結📽👇🏻 https://www.youtube.com/channel/UCJP2TJatbLqYcjtib5G8NKg/videos 大部分Video已經上載方便大家容易搵到!* * *Facebook: Love Kelly's Kitchen https://m.facebook.com/Love-Kellys-Kitchen-831559940298925/

  • 黑椒洋蔥豬扒
    美食
    Casa Cookery

    黑椒洋蔥豬扒

    這道菜其實不算難,不過要煮得好食,就要花少少時間。由醃肉到完成,最快都要一小時,當然,醃肉時間越長,豬扒就會越入味。我覺得整個餸的主角就是洋蔥,煮腍了的洋蔥吸收了豬扒的肉汁,實在太好味。雖然洋蔥是主角,不過豬扒亦不能忽視,我選用了梅頭豬扒,肉質會較腍。材料: 梅頭豬扒  2-3塊 洋蔥  1個(大) 蒜蓉  1茶匙生粉  1茶匙 (與100毫升水混合) 蠔油 1茶匙調味: 生抽  1湯匙 老抽  1茶匙 糖  1茶匙 黑椒  1茶匙 麻油  1茶匙 紹興酒  1茶匙製作: 1\. 洋蔥切粗絲備用 2\. 豬扒洗淨後一開二, 再用調味醃最少30分鐘 3\. 用中火,爆香蒜蓉,再轉大火將豬扒煎至兩面金黃 (內面不用全熟),盛起備用 4\. 轉回中火,將洋蔥爆香,炒至洋蔥轉透明及變腍(約5-10分鐘) 5\. 將豬扒和洋蔥炒均,再加生粉水和蠔油略煮2分鐘即成Join our fans page

  • 蔥菜蒸肉丸
    美食
    Love Kelly's Kitchen

    蔥菜蒸肉丸

    蒸肉餅每個家庭都經常蒸,都會用梅菜、冬菇、馬蹄等等既材料😊今日我轉用好少煮既蔥菜,再加少少娃娃菜喺底,娃娃菜吸曬D味!真系要煮多兩碗飯呀🍚🍚 材料: 半肥瘦肉碎 $25 蔥菜 1片 娃娃菜 4片 蔥花 少許 調味料: 生抽 1.5湯羮 糖 2茶匙 生粉 3茶匙 水 少許 油 少許 做法: 1)蔥菜先用水浸15分鐘,然後切粒; 2)調味料加入肉碎內攪均,向一個方向攪,然後加入蔥菜粒醃大約半小時; 3)娃娃菜切段放在碟上,將醃好的肉碎整成丸狀,放在娃娃菜上,入蒸爐100度/隔水大火蒸15分鐘,取出後灑上蔥花便完成 Blog: http://lovekellykitchen.blogspot.hk/2016/11/blog-post_25.html

  • 一煲搞掂雜錦飯
    美食
    chengsfactory.blogspot.hk

    一煲搞掂雜錦飯

    chengsfactory: 爸媽早前外遊,妹妹又沒有回來吃飯 多日沒有煮飯,飯癮起了~~ 於是在雪櫃東拼西湊 再加一點蔬菜,全部放入電飯煲內一併煮熟就成 晚飯和午飯餐盒也有OK啦~~ 有味飯食譜(2人份) 材料:冬菇(中)4隻、切絲椰菜半個、細乾貝10粒、紅米及糙米共1/4杯、白米3/4杯、金華火腿1片、鹽適量 做法: 1. 冬菇、細乾貝、金華火腿洗淨,然後浸軟(冬菇約需5小時,細乾貝半小時便可),紅米及糙米洗淨浸約5-6小時 (如用熱水30分鐘即可) 2. 將切絲椰菜洗淨,浸軟冬菇切條,加少許鼓油及糖醃半小時 3. 紅米及糙米加入洗淨白米,倒入浸冬菇、細乾貝、金華火腿的水,再放入切絲椰菜一齊煮 4.

  • 麻辣蒜泥白肉
    美食
    Casa Cookery

    麻辣蒜泥白肉

    早兩天有朋友送了一樽麻辣醬給我,原本是想用來煮老公最愛的雞煲,不過因為每天都夜放工,沒有時間打邊爐,最終晚餐都是簡單煮了幾味。以往煮蒜泥白肉都是用五花腩,今次為了慳時間,特別轉用了豬肉片,烹調時間由30分鐘變成30秒。整個餸比較花時間的步驟應該是將青瓜和豬肉卷起,不過是沒有特別技巧的動作,就算是新手都沒有難度,不過看起來個餸就精緻好多。材料: 薄切豬肉片  約10片 薑  3片 蔥  2條, 切段 海鹽  1茶匙 青瓜 水冰水調味: 麻辣醬  2茶匙 花調酒  1茶匙 生抽  1湯匙 黑醋  2茶匙 黃糖  1/2茶匙 蒜蓉  2茶匙 麻油  1茶匙製作: 1\. 調味料混合後靜置備用 2\. 青瓜洗淨後用刨皮器刨成薄片 3\. 先煲滾約1公升水,將薑和蔥段在水中略煮2分鐘,加入海鹽,再用大火灼熟豬肉片 (約20-30秒) 4\. 豬肉片熟後即時盛起浸冰水,豬肉降溫後可瀝乾備用 5\. 將1-2片青瓜鋪在豬肉片上再卷起 6\. 最後淋上調味即成Join our fans page

  • 【食譜】鵝肝腸排骨煲仔飯
    美食
    food-yesnews

    【食譜】鵝肝腸排骨煲仔飯

    food-yesnews: 終於放可以放打風假了,但一個人在家裏又無儲糧,找下雪櫃見有鵝肝腸同排骨,天氣涼涼地,又是食香噴噴煲仔飯的時侯,一煲剛好一人份,啱我一人餐的時侯 朋友幫我買嘅,唔記得是鵝肝腸定……嘻~總知係腸啦,哈~一定比人鬧。 材料好簡單:一孖腸、一點排骨、一碗米。 做法: 1. 處理米就加多少少工序,洗好米,泡約5分鐘,隔乾水 2.

  • [15分鐘食譜] 燒汁豬腩肉豆腐卷
    美食
    Love Kelly's Kitchen

    [15分鐘食譜] 燒汁豬腩肉豆腐卷

    * * *兩款都系我鍾意既材料,卷埋佢一齊煮,又有一道新菜試,好受小朋友歡迎呀❤️材料: 豬腩片 1包 韓國硬豆腐 1盒 蔥粒 適量醬汁調味: 燒汁 3湯羮 糖 1茶匙 水 50ml做法: 1)硬豆腐切件大約6-8件,再用豬腩片卷住; 2)熱油鑊,放入1)煎熟至金黃色,然後盛起放碟上; 3)再煮熟醬汁,放入蔥粒淋上豆腐上即可 Blog食譜👉🏻http://lovekellykitchen.blogspot.hk/2016/10/blog-post_10.html?m=1Facebook: https://www.facebook.com/lovekellyskitchen/* * *

  • 蜜汁黑椒肉絲
    美食
    迪比廚房

    蜜汁黑椒肉絲

    之前介紹了把煲湯豬肉製成蒜香肉鬆,今次介紹大家另一烹調選擇 – 蜜汁黑椒肉絲。 蒜香肉鬆是香脆乾身,蜜汁黑椒肉絲是外乾內帶蜜汁。 如果煲湯肉份量多,也可分成兩份分開烹調。以後大家會不會為了這塊多變煲湯肉,在家中煲多些老火湯。材料: 豬肉(已熟) 200g 黑椒碎 1茶匙 魚露2茶匙 豉油 1茶匙 米酒 1茶匙 黑糖/黃糖 2湯匙 麥芽糖 2湯匙做法: 把豬肉順紋撕出粗條狀。 把每條粗條中間盡量撕鬆。 把肉絲炒至表面乾身。 把調味料拌勻後加入肉絲,用慢火煮至表面呈現乾蜜狀。 離火及放涼,即可密封保封。小提示: 亦可用新鮮豬肉,加水煮約40分鐘至全熟。 把粗肉絲中間撕鬆,使蜜汁包圍著每條肉絲。 當炒至表面略乾時,中間仍有包含蜜味。 不喜歡黑椒可以減少份量或不加。 魚露牌子不同咸度也不同,所以煮至中途一定要試味。迪比FB專頁:https://m.facebook.com/debbiebakery/

  • 【紅燒元蹄】
    美食
    Sandymama

    【紅燒元蹄】

    呢個食譜欠你們好耐終於打好食譜同大家分享一下其實元碲同豬手不同好多人以為豬手即元蹄其實分別好大架元蹄係包括豬手對上的一段肉換句話係包括大脾咁【紅燒元蹄】[材料]元碲1塊薑3片葱2棵[醃料]酒2湯匙胡椒粉適量粗鹽2茶匙[鹵水材料】上湯2杯酒1湯匙醬油膏3湯匙生抽3茶匙老抽2茶匙黃糖3湯匙八角3粒香葉2片草果1粒桂皮1支蒜頭3粒[做法] 1\. 元碲洗淨,用薑葱水汆水至變色,撈出。2.刮去表面油污,把醃料塗抹在元碲上,放入雪柜待1小時。3.再次洗淨後瀝乾水分。4.起鑊,下1碗油燒熱,加入蒜頭爆香,放入元碲,燒至豬皮呈金黃色。5.撈出瀝乾油分備用。6.起鑊,下油燒熱,加入蒜頭爆香,放入元碲,加入調味料拌勻,以中小火煮40分鐘至熟透,取出。7.將汁醬隔去多餘材料,起鑊,下汁煮至稠身,再淋上元碲面即成。我的facebook:https://www.facebook.com/moonmoonkitchen/

  • 焗豬扒飯
    美食
    Casa Cookery

    焗豬扒飯

    香港物價貴租又貴,今時今日去茶餐廳食飯,一個set 都要 $40-50,而重點,碟頭還要比以前細。有時情願在家中煮即食麵都不願落街食飯。沒有去茶記一段時間,最掛住焗豬扒飯,其實在家亦可以做到茶記的味道,雖然步驟多,但唔算難。 焗飯當然要配炒飯底,不過如果想慳時間,用白飯亦可 。有睇 <食神> 都知,炒飯一定要用冷飯,不過若果沒有的話亦可即時煮(煮時用九成水,讓飯可較乾身) 。至於將汁,可視乎個人喜好控制稀稠,我喜歡較稠的醬汁,所以只落了 1杯雞湯。若果喜歡較稀的茄汁醬,可落1 1/4杯,不過始終是焗飯,不建議煮到醬汁太稀,否則焗時飯會吸收汁的水份,令到飯底發脹變腍。 至於芝士,我用了mozarella 同 parmesan (mozarella 可做到一絲絲的效果,parmesan 焗起有點脆面,好香口)。最後要提一提,豬扒煎好後最好切成條再放回飯面,食時會較方便。今次醬汁比較濃,所以只要用質素較高的冰鮮豬扒就可以。 材料:豬扒 2塊 麵粉  少許(豬扒醃料) 生抽  1湯匙 糖 ½ 茶匙 黑胡椒粉 1/4茶匙(飯底) 蛋 2 隻, 打散 蒜蓉 1/2茶匙 冷飯 2 碗(醬汁) 蒜蓉 1茶匙 洋蔥 1/2個, 切條 番茄 2個, 切件 茄膏 2湯匙 雞湯 1 - 1 1/4杯 麵粉  2湯匙 鹽/糖/黑椒  各1/4茶匙水牛芝士/巴馬臣芝士  各1/4杯製作:1\. 醃料混合後醃豬扒最少30分鐘,期間可準備其他材料 2\. (炒飯底)用少許油,炒香蒜蓉,加入冷飯,炒熱後加入蛋炒香,盛起,放在焗盤備用 3\. (醬汁) 先爆香洋蔥和蒜蓉,加入蕃茄和茄膏再炒2-3分鐘 4\. 麵粉和雞湯混合後倒入蕃加裡,用鹽/糖/黑椒調味,煮至醬汁變稠,盛起備用 5\. 在已醃好的豬扒上撲麵粉,用高火煎香兩面至金黃,放在炒飯上 (豬扒可切件) 6\. 淋上茄醬,再灑上芝士碎,在預熱230度焗爐裡焗 15分鐘,至芝士表面金面即可Join our fans page

  • 肉醬千層面 LASAGNA
    美食
    小煮婦

    肉醬千層面 LASAGNA

    教學影片:https://www.youtube.com/watch?v=FVZkI5V-l3M肉醬千層麵是非常有名的意大利菜,由一層層滋味的蕃茄肉醬、融化芝士和寬大的麵皮而組成。正宗傳統的千層面步驟繁複,例如會有白醬和多種不同的芝士,當然少不了自家桿的新鮮麵皮啦!但現今大眾都喜歡簡易煮食,所以我便化繁為簡創作了這個食譜。這個食譜比較簡易,但又不失本來的傳統風味。我最愛自家製的蕃茄肉醬,酸甜的蕃茄味和Oregano香草配合得天衣無縫!自己煮肉醬完全不添加任何香料和味精,煮出來也很滋味!煮多了的肉醬更可配飯和意粉,獨當主角。這個千層麵我每次都會做一大盤,重量級的份量當然要分享給家人和朋友才開心!剛出爐的千層麵傳出誘人的香味,盤邊的肉汁正在冒泡,叫人急不及待的大快朵頤!不過這個千層面比較heavy,所以少吃多滋味呢!建議配一些沙律伴食,既可以清新一下又可以去膩!看到這裡,各位有沒有流口水呢?快看看我怎樣炮製這個邪惡美食,一邊看一邊學做吧!材料:千層麵 8-10塊 免治豬肉碎 1斤 洋蔥 一個 芝士片 8-10塊 Mozzarella Cheese 適量 豬肉醃料:鹽 1.5茶匙 黑胡椒 2茶匙 Oregano牛至 乾香草 2茶匙 調味料:蒜粉 2茶匙 (可用蒜蓉代替) 紅椒粉Paprika 1茶匙 Oregano牛至 乾香草 1湯匙 蕃茄汁 4湯匙 蕃茄膏 1罐 紅酒 50毫升 水 200毫升 月桂葉 bay leaves 3塊 難度:★★★★☆ 價錢: 約$60(4人份量),價錢不包括所有調味料,因大部份一罐可用到十數次。做法:1  先在豬肉碎中加入醃料攪勻,醃半小時。2  把洋蔥去皮切碎。 3  熱鍋加入2湯匙的橄欖油,再加入洋蔥碎炒香。 4  用中火不斷拌炒,直至洋蔥變半透明和微黃,然後拿起備用。 5  同一隻鑊同樣落2湯匙的油,然後加入豬肉碎。 6  用中大火把豬肉炒熟和炒碎,起初豬肉會因未熟會成團,把生的豬肉碎壓在鍋底,令到豬肉更易接觸鍋面。一旦接觸後,豬肉就會變碎和轉白色。不斷重複,就會很快炒熟所有豬肉。 7  當豬肉變色後,可用鏟切散豬肉,令到豬肉更鬆散。8 炒熟豬肉後,可以加入洋蔥和茄膏炒匀。9 之後加入所有調味料(茄汁除外) 再炒匀,開大火煮滾。10 煮滾後,轉最小火蓋上慢煮半小時。11 如果不是一些鎖水鍋(如鑄鐵鍋、陶瓷鍋),要不時打開蓋翻拌,以免燒乾水和痴底。適當時候加入適量的水去煮。 12  煮好肉醬後,加茄汁調味。然後試味,按照個人喜歡的口味,加入適量的鹽和糖調味。如果不夠咸便加鹽,不夠甜便加糖。我自己覺得很夠味,最後沒有多加調味。13  然後開始煮千層麵。燒一大鍋水,加入一湯匙的橄欖油。每兩塊兩塊的加入,不要讓它們黏在一起,盡量分開。 14  用大火煮5分鐘,時間一夠便拿起。麵上塗一層薄薄的油,好讓麵疊上時不會黏著。 15  煮好面後,便可以開始組裝千層麵。 16  準備一個長方/正方焗盤,先放一層肉醬,再鋪上芝士片,最後放上煮好的麵。如此類推,重覆3-4次,視乎容器的高度。 17  最後一層以肉醬收尾,並撒上mozzarella 芝士碎。 18  用預熱了230度的焗爐焗15分鐘,直至表面芝士金黃,而且你會看見肉汁在旁邊冒泡,即表示完成。小貼士:我這次只用了車打芝士片,傳統的應有Parmesan cheese和ricotta cheese。但因化繁為簡所以我因用了cheddar cheese。我愛車打芝士的濃郁,非常香濃。大家可以用另外2種代替,又或者結合3種一起,味道會更加濃厚! 傳統是用牛肉,但我家人不吃牛,所以換成了豬肉。大家可因個人喜好用牛肉,但免治牛肉的脂肪比例較少,我建議可7:3(牛:豬),很多餐廳都是這樣,有牛香得來口感又好。 千層麵皮分為兩種,一種是要預先用水煮好,另一種則不需要。我這次用到的是要先用水煮好,根據包裝紙上的建議時間煮的。如果大家用另一款的話,肉醬的醬汁可能要增多一倍,因為要利用醬汁在焗的時間煮熟麵皮。而且焗的時間和溫度也不同,所以大家要自己調節。詳細文字食譜:https://littlewife.co/2016/07/01/肉醬千層面-lasagna/Facebook page: 小煮婦 littlewife https://www.facebook.com/thislittlewife/