• 朱古力玫瑰花
    美食
    B's Kitchen

    朱古力玫瑰花

    今年既情人節冇買鮮花,不過整咗可以食既花,用朱古力黎整玫瑰花,真係睇得又食,影完相自己都唔係好捨得食添喔!材料: (約2-3朵) 黑朱古力    100g 粟膠            4湯匙 軟心朱古力  2-3粒 竹籤             2-3支 做法: 1) 先用鍋煮滾水後熄火,將朱古力粒倒入碗中,放上坐熱至完全溶解 2) 跟住加粟膠入朱古力漿中攪勻,拌好後會有黏性,放涼5-10分鐘 3) 用竹籤拮起粒軟心朱古力做花托 4) 將朱古力搓成條狀,然後切開細份 5) 中間先做粒花芯,第一層搓3小片做花瓣,然後包圍住花芯,輕力壓下黏著花托,跟住將花瓣微微向外翻開 6) 每片花瓣先搓圓壓平,然後再用手慢慢捏薄身,跟住鋪在花托上 7) 花瓣邊用手隨意咁捲起波浪形態,之後輕力按壓花托令它黏著 8) 花瓣形狀由細至大,一片片咁續層加上去,花朵大小可自行調節 9) 最後花托底部用一小圓片包裹著,輕力捏實便可。小貼士: \- 因天氣冷朱古力較易變硬,可先取一半來用,另一半用熱毛巾蓋好 \- 如要做大量的話,可分開幾次來調配朱古力漿 \- 做好既朱古力花可入雪櫃保存3-4天

  • 野莓朱古力慕絲
    美食
    B's Kitchen

    野莓朱古力慕絲

    尋晚情人節既整咗呢個甜品俾老公食,佢大讚好味道! 慕絲質地軟滑,味道酸酸甜甜的,而餅底有香濃既朱古加味,食完都唔會覺得膩喔! 材料: (3吋圓模) 淡忌廉         120g 野莓鮮果醬  80g 魚膠片          1片約5g 砂糖              35g 朱古力曲奇   30g 牛油              15g 清水              2茶匙 做法: 1) 先將朱古力曲奇壓碎,然後將牛油放入微波爐加熱至溶液,跟住倒入曲奇碎內撈勻 2) 混合好既牛油曲奇倒入模具內用羹壓平,然後放入雪櫃約20分鐘 3) 把士多啤梨、藍莓、紅桑子、黑莓洗淨抹乾水份,跟住全部放入攪拌機打成果醬 4) 將魚膠片用清水浸泡至軟身,然後隔水備用 5) 淡忌廉倒入大碗中,用攪拌器打至起泡,跟住分開2-3次加入砂糖再打,打至企身便可 6) 然後把果醬倒入忌廉中輕輕攪勻 7) 將軟身魚膠片、2茶匙水加入碗中,用熱水坐住至溶解,之後倒入混合好既忌廉中,隨即快手攪勻 8) 然後將忌廉倒入餅模內,掃平表面戥下個碟,放入冰箱冷藏30分鐘便可 9) 雪好後先用風筒吹下模具約1-2分鐘,跟住就可以慢慢向上拉出模具 10) 最後可隨個人喜好加上生果和裝飾

  • 情人節朱古力
    美食
    B's Kitchen

    情人節朱古力

    空運到港既印花紙好靚喔! 用黎整朱古力俾愛人就至啱喇! 簡單易做,1分鐘就學會了,老公都做咗幾個…..今日係元宵佳節,祝願天下有情人甜甜蜜蜜! 幸福快樂!材料: (約有24粒) 黑朱古力(免調溫) 100g 白朱古力(免調溫) 100g 朱古力印花紙       適量做法: 1) 先把朱古力印紙剪開鋪平在碟上,模具放置在想印之花紋上 2) 用鍋將清水煮滾後熄火,把朱古力粒倒入碗中坐熱至完全溶化 3) 把溶好既朱古力漿倒入模具,厚度約1cm左右,跟住放入雪櫃約30-40分鐘 4) 雪好後拎起模具,將朱古力慢慢與印紙分開 5) 包裝好就可以送人了