• 電飯煲朱古力蛋糕Brownie食譜 不用焗爐 只需15分鐘 |懶人廚房
    美食
    新假期

    電飯煲朱古力蛋糕Brownie食譜 不用焗爐 只需15分鐘 |懶人廚房

    父親節快到了!大家想好送什麼給爸爸沒有?今天推薦大家親手焗蛋糕送給爸爸,又窩心又實惠,而且十分簡單,用家常電飯煲就可以「 煲 」出朱古力蛋糕Brownie來,過程只需15分鐘便可,大家不妨一試這個食譜! 撰文:Jeff、肥龍 圖片:新傳媒資料室 不用焗爐 朱古力蛋糕Brownie 食譜可可味濃郁的朱古力Brownie ,人見人愛,不要以為很難做、很複雜,其實連焗爐都可慳番!只需用家常電飯煲就可以弄到,十分簡單!吃入口雖然不如焗出來的焦脆,但裡面帶點濕潤,口感更濃郁,最適合父親節送驚喜給爸爸!朱古力Brownie 朱古力Brownie 食譜 所需材料黑朱古力 …………….. 100g低筋麵粉 ……………… 60g雞蛋 ……………………..2隻泡打粉 …………………. 3g牛油 ……………………. 60g砂糖 ……………………. 30g核桃 …………………….30g 朱古力Brownie 詳細做法1.雞蛋與砂糖打勻。2\. 朱古力和牛油放入微波爐叮1分鐘,溶化後拌勻。3.低筋麵粉分兩次過篩後加入朱古力漿中,並加入泡打粉拌勻。4.加入蛋漿和核桃混合。5\. 麵糊倒進蛋糕模,用焗爐紙封頂,放上電飯煲的蒸架,加入350ml 水,開動煮飯模式,煮完後再焗15分鐘。6\. 朱古力Brownie出爐放涼後,灑上糖霜,切件即可享用。 Tips 1. 要知道蛋糕生熟與否,可用牙籤插進蛋糕,如果抽出後沒有沾到麵糊,即是熟透。 2. 把麵糊倒進蛋糕模前,可先加上牛油紙,煮完後較易取岀。 3. 如果喜歡朱古力味濃,不妨多加可可粉,或進食前加朱古力醬。 延伸閱讀:超紅韓劇《請回答1988》翻拍中國版 背景首爾變深圳|網民:鄉土味很重Barbie主題下午茶+蛋糕!中環人氣蛋糕店Vive Cake Boutique推新品|區區搵食

  • 【營養師教你】2 分鐘微波爐奄列!趕時間打工仔必學!
    美食
    註冊營養師Gloria - 為食營人

    【營養師教你】2 分鐘微波爐奄列!趕時間打工仔必學!

    想減磅嘅首要秘訣,就係要有一個有足夠蛋白質嘅早餐!咁先可以令你成朝都夠飽夠精神,仲會預防肌肉流失,減低日後反彈嘅機會!朝早食烚蛋食到悶?試吓好似我咁用2分鐘整個微波爐奄列喇! 1\. 將細半碗蔬菜(今次用車厘茄、羽衣甘藍,而其實蘑菇菠菜都得)放入微波爐叮30秒,令蔬菜稍為軟身。 2\. 將一片低脂芝士搣碎,加入一隻雞蛋拌匀。 3\. 將1+2拌勻,放入微波爐加熱20秒,稍為攪拌一下,再加熱20秒,再逐10秒10秒地加熱,直至達到自己鍾意嘅熟度。 過程一滴油都唔使用!之後仲可以加黑椒或者黑松露調味添!配多塊麵包食,嗯~正! 錄自:註冊營養師Gloria - 為食營人

  • 味噌焗茄子

材料與份量:
意大利茄子⋯⋯1條
味噌⋯⋯2湯匙
楓糖漿⋯⋯2湯匙
味醂⋯⋯1湯匙
清酒⋯⋯1湯匙
芝麻⋯⋯適量

...
    美食
    Kris Wan 尹嘉蔚

    味噌焗茄子 材料與份量: 意大利茄子⋯⋯1條 味噌⋯⋯2湯匙 楓糖漿⋯⋯2湯匙 味醂⋯⋯1湯匙 清酒⋯⋯1湯匙 芝麻⋯⋯適量 ...

    味噌焗茄子材料與份量: 意大利茄子⋯⋯1條 味噌⋯⋯2湯匙 楓糖漿⋯⋯2湯匙 味醂⋯⋯1湯匙 清酒⋯⋯1湯匙 芝麻⋯⋯適量做法: 1.焗爐預熱200度。 2.熱鍋加入味噌、楓糖漿、味醂及清酒煮勻成醬汁。 3.將意大利茄子切開後,用小刀將茄子肉切菱形紋。 4.熱鍋加少許油,烘煎茄子兩面,加蓋,用慢火焗煎4分鐘。 5.茄子變軟腍後,取出,放上焗盤。 6.將味噌漿塗在茄子上。 7.放入焗爐,焗25分鐘後取出,撒上芝麻完成。————————————– www.facebook.com/vegcolourshomekitchenKris Wan 尹嘉蔚 @素食整色整水 FB Fans Page @ 《攪拌新煮意》《自煮簡蔬食》《我行我素》著作

  • 杏仁酥條
    美食
    B's Kitchen

    杏仁酥條

    試做咗「杏仁酥條」味道口感都不錯, 今年新年就整呢個送俾朋友啦! 要訂定d包裝材料先得…..[ 杏仁酥條 ] 材料: 急凍酥皮 1塊 杏仁片     適量 蛋白         1隻 糖霜         約20g 檸檬汁     1湯匙 蜜糖         2湯匙 熟水         1湯匙 做法: 1) 先將蛋黃和蛋白分開2) 蛋白和糖霜混合攪勻3) 再加入檸檬汁輕微打至奶白色,備用4) 把急凍酥皮放置室溫數分鐘略為軟身後,用刀界開條狀,今次我𠝹咗18份,可因個人喜好𠝹成不同大小數量 5) 準備好焗盆鋪上酥皮條,每條都掃上蛋白液6) 跟住再灑上杏仁片7) 將蜜糖和水混合攪勻,備用 8) 預熱焗爐後以180度先焗約12分鐘9) 拎出杏仁條掃上蜜糖水後再多2-3分鐘至表面金黃便可 10) 焗好放涼後才可入袋包裝或放入密實盒儲存

  • 美式芝士蛋糕

材料	
忌廉芝士250克、
糖45克、
雞蛋2隻、
牛油45克

做法	
1.焗爐預熱攝氏180度。忌廉芝士用打蛋...
    美食
    Kris Wan 尹嘉蔚

    美式芝士蛋糕 材料 忌廉芝士250克、 糖45克、 雞蛋2隻、 牛油45克 做法 1.焗爐預熱攝氏180度。忌廉芝士用打蛋...

    美式芝士蛋糕材料 忌廉芝士250克、 糖45克、 雞蛋2隻、 牛油45克做法 1.焗爐預熱攝氏180度。忌廉芝士用打蛋器打勻至軟身。 2.加入糖打勻。 3.雞蛋液分4-5次加入忌廉芝士內拌勻。 4.熱溶牛油至液態,加入忌廉芝士內拌勻後,將蛋糕糊倒入焗模。 5.放入焗爐用180度焗約30分鐘。 6.蛋糕焗好後,待涼放入雪櫃冷藏完成。————————————– www.facebook.com/vegcolourshomekitchenKris Wan 尹嘉蔚 @素食整色整水 FB Fans Page @ 《自煮簡蔬食》《我行我素》著作

  • 【10分鐘整好】營養師教你整3款健康Pizza
    美食
    註冊營養師Gloria - 為食營人

    【10分鐘整好】營養師教你整3款健康Pizza

    大家成日都話好忙,冇時間煮飯仔。但其實想食得均衡低脂又好味,可以好快好簡單!星期日我全日都喺屋企寫文,夜晚當然想食好啲!用咗10分鐘準備,焗左3款Pizza,同屋企人一人一個!加埋沙律菜,食完好飽好滿足!大家都可以參考下丫,總有一款啱你口味!😋😋😋做法: 喺pizza餅底上,搽兩湯匙番茄醬,加上餡料同25克(約3湯匙)芝士,放入焗爐用220度焗10至15分鐘,食得!(材料/熱量請仔細看每張圖片)營養小貼士: 想少鹽啲,可以選擇加多啲蔬菜水果,同只用雞蛋、新鮮雞肉等作為蛋白質!煙三文魚1塊(30克)、車厘茄(切半)三粒、洋蔥(切圈)1/4個 熱量:約389(3份五穀+ 2份蛋白質 + 0.5份蔬菜) 菠蘿1塊、火腿2片、雞蛋1隻 熱量:約446(3份五穀+ 3份蛋白質 + 0.5份水果) 辣味吞拿魚1/2 罐、車厘茄(切半)三粒、洋蔥(切圈)1/4個 熱量:約382(3份五穀+ 2份蛋白質 + 0.5份蔬菜) 錄自:註冊營養師Gloria - 為食營人

  • 西蘭花芝士藜麥酥
    美食
    B's Kitchen

    西蘭花芝士藜麥酥

    早幾日用剩咗d藜麥, 咁用黎做下午茶啦! 自己好鍾意食芝士, 所以落咗3款唔同嘅芝士, 味道更香濃層次又豐富d, 焗起熱辣辣又鬆脆, 超正喔! 材料: (1-2人分量) 西蘭花         1/2個  藜麥             2-3湯匙  巴馬臣芝士  適量  車打芝士      適量  水牛芝士      適量  急凍酥皮      1塊  牛油              少許  橄欖油          少許  淡忌廉          約50ml  鹽                 少許  黑胡椒         少許  蛋漿            少許做法: 1) 先將西蘭花洗淨切件, 然後用鍋加水煲滾, 落少許鹽、油, 再加入西蘭花煮約5-8分鐘, 撈起後隔水備用 2) 把煮好既西蘭花切碎 3) 放少許牛油、橄欖油落鑊, 之後加入西蘭花碎、藜麥略炒一下 4) 跟住倒入淡忌廉, 並加鹽、黑胡椒來調味 5) 之後隨意加入3款芝士, 煮至溶化後用碗盛起 6) 先用少許牛油掃在模具內, 然後鋪上酥皮壓好, 再用叉拮些小孔 7) 跟住加入煮好既餡料 8) 再係頂鋪多一層酥皮, 沿邊壓好收口, 然後掃上蛋漿 9) 預熱焗爐後, 以200度焗約15-20分鐘便可 10) 剛焗好熱辣辣的, 外皮好鬆脆, 內裡芝士味又濃又香, 好好食!

  • 【創意食譜】麵包超人餅乾棒棒
    美食
    Candacemama

    【創意食譜】麵包超人餅乾棒棒

    小朋友返埋下個月就暑假了! 又係媽媽們諗整乜嘢小心意送畀老師及同學仔… 其實小小一件可愛的餅乾, 已經可以令人甜入心了! 唔信~~不如試下呢支超人棒棒餅乾丫!!!~ 仲可以好快手, 短時間內大量製作添!!~【有好東西分享?】立即去Yahoo Food Facebook 專頁投稿/片  材料: 免調溫白朱古力鈕 100g 免調溫啡朱古力鈕10g Golden Oreo餅 10塊 Cake pop棒 10支 M&M朱古力豆 適量 朱古力筆做法: 1\. 免調溫朱古力放大碗內,隔熱水座融。 2\. 打開Oreo,塗少許朱古力漿,放上Cake pop棒,再蓋上另一塊Oreo,待凝固。 3\. 餅乾中間的朱古力凝固後,再在餅乾外圍粘上朱古力醬。 4\. 放在牛油紙/焗爐紙上,立即放上朱古力鈕,待冷卻。 5\. 朱古力凝固後,以朱古力筆畫上眼睛及其他細節。小撇步: 1\. 朱古力分有調溫及免調溫兩種,免調溫朱古力較易凝固。 2\. 如中間的朱古力未完全乾固,就沾外面的朱古力漿,餅乾會容易散開。 3\. 朱古力鈕除了紅色外,也可使用橙色。 【有好東西分享?】立即去Yahoo Food Facebook 專頁投稿/片

  • 不用麵包機的小熊連體包
    美食
    Candacemama

    不用麵包機的小熊連體包

    之前分享過以麵包機製作的連體包,好多朋友問,是否沒有麵包機就不能夠做呢?有沒有較簡單的連體包食譜呢?四出搜尋下,找來一份最簡易的日本連體包食譜,如其說麵包,不如說它較像鬆餅SCONE,雖然不太鬆軟,但味道濃郁,甜得來帶點點的牛奶味。原食譜沒有朱古力粉,但為了做出不一樣的連體包,我自行加了可可粉,將粉團變成啡色,做出一環啡色的小熊。材料: 日式班戟粉200g 鮮奶70ml 鍊奶1湯匙 可可粉1湯匙做法: 1\. 大碗內加入日式班戟粉及可可粉拌勻。 2\. 加入鮮奶及鍊奶,以手搓成一不沾水的粉團。 3\. 取出環形焗模(我用的為直徑18cm),塗上少許牛油,以防黏底。 4\. 粉團分別搓成9個分別為25g的小圓球,其中7個放在環形模內,剩餘的粉團搓成小粒作耳朵。 5\. 蓋上布稍為發酵15分鐘 。 6\. 放入已預熱焗爐以170’c焗15分鐘,取出放涼。 7\. 最後以朱古力筆畫上細節。小撇步: 如果不愛可可粉,可隨意省去,但鮮奶份量要減至60ml。   Instagram: cancan_ku Facebook page: https://m.facebook.com/candacemama

  • 小雞雞日式甜薯撻
    美食
    Candacemama

    小雞雞日式甜薯撻

    最簡易又最呃LIKE,但又要好食到停唔到口的甜品食譜,究竟有無? 就係有囉。。。 仲要非一般芝士蛋糕咁簡單。小雞雞日式甜薯撻 材料: 現成批皮1塊 甜薯 300g 牛油 150g 砂糖30g 牛奶20ml 鹽少許 蛋液少許 不同顏色朱古力筆做法: 1\. 批皮放在焗盆上,除去多餘部份,並以叉在表面刺上小孔。 2\. 將批皮放入已預熱焗爐以180’C焗10分鐘。 3\. 甜薯去皮,煲約20分鐘至稔,盛起放大碗內。 4\. 將甜薯壓碎成甜薯蓉。 5\. 在甜薯還熱時,加入牛油、砂糖及鹽攪勻,慢慢加入牛奶,直至成為濕泥狀。 6\. 將甜薯蓉放批底內,掃平,在表面塗上蛋液。 7\. 放焗爐以180’C焗至金黃即可。如沒有焗爐,也可以放到多士焗爐焗至金黃。 8\. 取出放涼後,利用朱古力筆畫上細節部份即成!  Instagram: cancan_ku Facebook page: https://m.facebook.com/candacemama

  • 突然下午茶想食葡撻,用急凍酥皮,自己係屋企整都冇難度,香噴噴、熱辣辣萄撻,焗十幾分鐘就可以出爐喇!配埋杯咖啡奶茶一齊享用,真係超正喔! 

材料:  (3個3吋撻模份量)

急凍酥皮  約1/3...
    美食
    B's Kitchen

    突然下午茶想食葡撻,用急凍酥皮,自己係屋企整都冇難度,香噴噴、熱辣辣萄撻,焗十幾分鐘就可以出爐喇!配埋杯咖啡奶茶一齊享用,真係超正喔! 材料:  (3個3吋撻模份量) 急凍酥皮  約1/3...

    突然下午茶想食葡撻,用急凍酥皮,自己係屋企整都冇難度,香噴噴、熱辣辣萄撻,焗十幾分鐘就可以出爐喇!配埋杯咖啡奶茶一齊享用,真係超正喔! 材料:  (3個3吋撻模份量)急凍酥皮  約1/3 塊淡忌廉       35g 鮮奶          35g砂糖          約2湯匙蛋黃         1隻牛油溶液  約1湯匙 做法:1) 取出急凍酥皮放置略為軟身,跟住放上撻模先用刀界成正方形,再切走四個角位 2) 撻模內掃上牛油溶液,然後把酥皮鋪入模中,貼著模沿邊輕壓下去,將多餘凸出既酥皮    撕走,跟住用叉在皮面刺些小孔,以免酥皮係烤焗時過度膨脹,全部撻皮整好後放入雪櫃備用 3) 將鮮奶、淡忌廉、糖、蛋黃放入鍋內攪勻,以小火煮至微稠成蛋漿,之後倒起放涼備用 4) 跟住將煮好既蛋漿倒入撻模內至八分滿左右 5) 預熱焗爐後,以200度焗約15分鐘至表面金黃微燶,放涼一陣便可脫模 。

  • vegcolourshomekitchen:
    美食
    素食整色整水-尹嘉蔚Kriswan

    vegcolourshomekitchen:

    金針雲耳"滑雞"煲仔飯(純素) 〔金針雲耳猴頭菇煲仔飯〕 用電磁爐都煮到煲仔飯🙂🙂 「滑雞」大家估是甚麼?共實是即食猴頭菇,買到新鮮當然最好,如果省時又好味,建議買即用裝。 材料與份量(參考)︰ 雲耳……50克 金針……50克 即用猴頭菇……30克 薑……3片 粟粉水……2湯匙 米……150克 水……160毫升 醬油……1湯匙  味醂……1湯匙 糖……1湯匙 麻油……2茶匙  做法: 1.下油熱鍋加薑,先炒熟雲耳、金針及猴頭菇備用。 2.用煲仔煮飯至飯面差不多熟透,加入配料蓋起。

  • 日式蔬菜雞卷
    美食
    Candacemama

    日式蔬菜雞卷

    材料: 雞脾扒1件 粟米筍2條 甘筍條2條做法: 1\. 雞脾扒利用廚房紙索乾水份。 2\. 用刀將厚身部位切開並打開,灑上鹽及胡椒粉調味。 3\. 放上洗淨的粟米筍及甘筍條,捲起,利用棉繩縛實雞卷。 4\. 整條雞卷包上錫紙,放入已預熱焗爐以200’c焗30分鐘。 5\. 放平底鑊煎至表皮香脆(不需要加油)。 6\. 剪開棉繩,切件即成。 小撇步: • 雞卷調味簡單,盡可能用質素較好的雞脾扒。 • 千萬不要去皮,因去皮雞扒會散開。 • 內裡的蔬菜不需烹煮,因焗雞時會跟蔬菜一起焗熟。 • 可隨意選擇不同的蔬菜作雞卷,但要留意不能夠用易變黃的蔬菜。  Instagram: cancan_ku Facebook page: https://m.facebook.com/candacemama

  • 連體南瓜小熊包
    美食
    Candacemama

    連體南瓜小熊包

    點樣利用最簡易的材料,做最簡易的麵包,呃最多LIKE? 望下面就知了!~材料: 鹽4g 高筋麵粉250g 低筋麵粉30g 砂糖30g 蜜糖30g 牛奶180ml 牛油30g 即用依士5g 南瓜粉12g 雪糕筒 食用顏色MARKER做法: 1\. 將所有材料依次序放入麵包機內,並啟動麵包麵團操作程序。 2\. 麵團完成後,取出。 3\. 取20g麵團,加2g南瓜粉,搓成均勻黃色及光滑麵團,共做7個,放在圓模內。 4\. 另外再做數個小麵包作耳仔。 5\. 麵團蓋上布,發酵1小時,並放上耳仔。 6\. 蓋上錫紙,放入已預熱焗爐以180'c焗15分鐘,取出放涼。 7\. 以食用MARKER畫上各細節。 Instagram: cancan_ku Facebook page: https://m.facebook.com/candacemama

  • 玫瑰蘋果芝士批
    美食
    Candacemama

    玫瑰蘋果芝士批

    愛吃芝士餅,也愛吃蘋果批,但各吃一件又太多。那就將它們二合一吧!爽甜的蘋果更可以帶走芝士餅的飽滯感呢!材料: 即用餅皮1塊 蘋果餡 \- 紅蘋果1.5個 \- 檸檬半個 芝士餡 \- 忌廉芝士250g \- 糖60g \- 雞蛋2隻 \- 鮮忌廉100g \- 粟粉3湯匙 玉桂粉、糖霜各少許 白色朱古力筆做法: 1\. 蘋果餡製作: a. 蘋果洗淨、切半,並去掉芯及椗。反轉切成薄片。 b. 單柄煲內盛少許水,榨入檸檬汁,放蘋果片慢火煮約5分鐘至軟身。 c. 蘋果片盛起,篩走所有水份。2\. 即用餅皮放室溫解涷後,放在批模上,在底部叉上小孔,放入已預熱焗爐以180’c焗15分鐘。3\. 芝士餡製作: a. 大碗內放入忌廉芝士及糖,以攪拌器拌勻,再逐少加入蛋液,再加入忌廉拌勻。 b. 再加入粟粉拌勻。 4\. 芝士糊平均倒進批底內,高度為批的一半,不能放太多。 5\. 在枱面的上面並排放上蘋果片,捲起,並在外面多加一塊蘋果。 6\. 將做好的蘋果玫瑰放在芝士批內,放已預熱的焗爐,以180’c焗20分鐘至熟透。 7\. 待涼後,灑上少許糖霜及玉桂粉,並放上朱古力葉。 小貼士: 蘋果不要去掉外皮,因蘋果皮的紅色,令玫瑰看起來更漂亮。 Instagram: cancan_ku Facebook page: https://m.facebook.com/candacemama

  • 岩鹽花生

麵包機點只做麵包咁簡單!! 
今次又來"玩轉麵包機"~ ...
    美食
    迪比廚房

    岩鹽花生 麵包機點只做麵包咁簡單!! 今次又來"玩轉麵包機"~ ...

    岩鹽花生 麵包機點只做麵包咁簡單!! 今次又來"玩轉麵包機"~ 用麵包機把花生加熱慢炒後,香味濃郁又十分香脆。材料: 花生 200g, 生油10g, 岩鹽 /海鹽 適量做法: 花生放入滾水煮5分鐘,篩走水份。 把花生丶生油放入麵包機。 用"果醬模式"加熱慢炒至大概90分鐘,即可放入鹽及按停止模式。 把花生取出,放涼後即可放入密封盒保存。小提示: .宜選用珠豆花生,花生香味較香濃。 .不同牌子麵包機模式也有少分別。 建議加熱慢炒至60分鐘時,取出1粒花生來試試香脆程度。 .花生放涼後會更香脆。迪比食譜 麵包機食譜 玩轉麵包機 花生

  • 芝士煙肉焗西蘭花
    美食
    Love Kelly's Kitchen

    芝士煙肉焗西蘭花

    * * * 材料:(2人份量) 西蘭花 1個 煙肉 2湯羹 淡忌廉 120ml 麵粉 1湯羹 牛油 10g Mozzarella Cheese 適量 水(或者用清雞湯) 50ml 鹽 少許 香草 少許 (裝飾用) 做法: 1)西蘭花切件用鹽水浸一陣,水滾烚2-3分鍾然後盛起備用; 2)熱鍋先溶牛油,加淡忌廉、水、鹽和煙肉煮至滾起,熄火將西蘭花回鑊兜均; 3)放在焗盆內灑上芝士,焗爐先預熱10分鐘,用180焗10分鐘,最後灑上香草便完成 歡迎訂閲👇🏻 💕YouTube Love Kelly's Kitchen Channel💕 https://www.youtube.com/channel/UCJP2TJatbLqYcjtib5G8NKg 💕亦歡迎到我的Blog瀏覽👇🏻 http://lovekellykitchen.blogspot.hk/?m=1* * *

  • 賣萌甜甜圈。蛋糕
    美食
    Candacemama

    賣萌甜甜圈。蛋糕

    磅蛋糕也能夠轉轉造型,來一點新意嗎?當然可以啦,變成一個人見人愛的甜甜圈又如何?材料: 自發粉130g 糖210g 牛油80g 酸忌廉80g 雞蛋2支 裝飾用材料: 白朱古力磚(不調溫) 100g 黃/啡/粉紅朱古力筆做法: 1\. 牛油室溫放軟,加入砂糖打發至完全混合。 2\. 慢慢打入雞蛋,每次加進一隻,直至完全混合後才加進第二隻。 3\. 加入酸忌廉並完全拌勻。 4\. 篩入自發粉,拌勻。如使用不含鹽牛油,可以在此過步驟加少許鹽。 5\. 將麵糊放入甜甜圈的焗模內,以180'c焗20分鐘至金黃,放涼。 6\. 朱古力鈕放大碗內,隔熱水座溶。 7\. 將已放涼的蛋糕圈放入朱古力內,令一邊沾滿朱古力,放牛油紙上待乾。 8\. 朱古力乾透後,以朱古力筆畫上細節。 小撇步: 甜甜圈模在12蚊店有售呢!Instagram: cancan_ku Facebook page: https://m.facebook.com/candacemama

  • 不一樣的腸仔包
    美食
    Candacemama

    不一樣的腸仔包

    腸仔包由細食到大,除咗麵包包住腸仔外,仲可唔可以有點點新意? 如果。。。變成熊BEAR拎住條香腸呢? 用上最簡易的日式蜜糖包食譜,再配上日本小香腸,一個可愛的腸仔包立即呈現眼前~~食譜如下: 鹽4克 高筋麵粉250克 低筋麵粉30克 蜜糖30克 牛奶180毫升 牛油30克 即用依士5克 小香腸4條做法: 1 將所有材料(除小香腸外)依次序放入麵包機內,並啟動麵包麵團操作程序。 2\.  麵團完成後,取出。並搓成光滑的各部位麵團。 3\. 放上小香腸。 4\. 蓋上毛巾發酵30-45分鐘。 5\. 放入已預熱焗爐以180'c焗15分鐘。 6\. 冷卻後畫上眼睛鼻子。   Instagram: cancan_ku Facebook page: https://m.facebook.com/candacemama

  • 賀年創意食譜。雪糕。雞包仔
    美食
    Candacemama

    賀年創意食譜。雪糕。雞包仔

    雞年啊!! 聽講四圍都係雞呢, 咁就不如連早餐麵包都係雞仔啦~~ 雞仔麵包咪就係雞包仔囉~ 跟大家分享我的呃到人的 - 雪糕雞包仔~材料: 鹽4g 高筋麵粉250g 低筋麵粉30g 蜜糖30g 牛奶180ml 牛油30g 即用依士5g 南瓜粉12g 雪糕筒 白色不用調溫朱古力鈕 不同顏色朱古力筆做法: 1\. 將所有材料依次序放入麵包機內,並啟動麵包麵團操作程序。 2\. 麵團完成後,取出。 3\. 取38g麵團,加2g南瓜粉,搓成均勻黃色及光滑麵團。完成所有麵團,約為6個。 4\. 麵團蓋上布,發酵1小時。 5\. 蓋上錫紙,放入已預熱焗爐以180'c焗15分鐘,取出放涼。 6\. 雪糕筒以刀切去尖端部位,讓其可以站立在平面。 7\. 朱古力鈕隔熱水座溶,在雪糕筒開端位置塗上朱古力漿,放上麵包,待凝結。 8\. 在麵包頂部加少許朱古力醬,並灑上朱古力針,以朱古力筆畫上各細節。   Instagram: cancan_ku Facebook page: https://m.facebook.com/candacemama

  • 窩蛋牛肉煲仔飯
    美食
    B's Kitchen

    窩蛋牛肉煲仔飯

    bybskitchen: 一個人食簡單整個飯就算喇! 雪櫃有d牛肉咁就煮窩蛋牛肉煲仔飯啦! 加咗d薑米令味道更香喔….. 材料:(1-2人分量) 米       1杯 (平常用的米杯) 清水    1杯 (減少1湯匙) 牛肉碎 約200g 薑        2-3片(切碎) 蔥        1棵(切粒) 雞蛋     1隻 甜豉油 適量 做法: 1)先將米洗淨加入清水後放入煲浸約30分鐘(如沒時間也可直接煮) 2) 把牛肉碎加少許生抽、 糖、雞粉、紹酒 、胡椒粉 、麻油、生粉、油、薑米攪勻醃約15分鐘 3) 米浸好後以中火加蓋煮約3-4分鐘至水滾,開蓋用筷子攪一下, 跟住加蓋再煮2-3分鐘至煲邊冒煙, 然後轉細火煮3分鐘至收水 4) 飯面仍濕濕地,放入牛肉碎,加蓋後將火調大至中火煮約30秒,跟住轉細火煮多12分鐘左右,熄火焗15分鐘 5) 食用時加入雞蛋 、 甜豉油、蔥粒撈勻便

  • 【椰汁南瓜饅頭】
    美食
    Sandymama

    【椰汁南瓜饅頭】

    對於我來講 做饅頭比做麵包簡單做麵包往往要3,4個鐘放工根本抽不出時間來做饅頭就不同一邊煮飯一邊也可玩用麵包機代替人手搓粉真的很方便今次呢個南瓜造型係萬聖節前做的咁遲才打食譜真的有點懶惰【椰汁南瓜饅頭】[材料]~12個美玫粉600克砂糖100克依士6克南瓜茸100克椰漿180克泡打粉4克水50克[工具]食用綿線(48條,長9”)包紙12張[做法]1.南瓜刮皮,切大件,用大火蒸10分鐘至熟透,用小义壓成茸。2.用麵包機內胆,按次序加入椰漿、水、南瓜茸、美玫粉、砂糖、依士、泡打粉。3.放回機內,按mode 12(麵糰打發mode),打發15分鐘至光滑。4.取出,搟平,對摺三摺,再壓成長方形。 5.用手沾少少水,輕輕弄濕麵糰表面。6.從一邊開始捲起,要捲得實一點,成長條型。7.平均分成90克一份。8.用4綿線放在工作枱上,紮成南瓜形,要鬆一點不要太緊。9.放在包紙上,再放在蒸籠/蒸架上,蓋上蓋子。10.放於室溫40度之地方,發酵至輕力可按下(約15-20分鐘,要視乎天氣)。11.用鑊燒熱滾水,水滾放下大火蒸8分鐘即成。

  • 聖誕布朗尼(朱古力味/綠茶味) (Chocolate Brownies/ Green Tea Brownies)
    美食
    姊妹食譜交換週記

    聖誕布朗尼(朱古力味/綠茶味) (Chocolate Brownies/ Green Tea Brownies)

    今次分享既聖誕樹Brownies, 超濃既朱古力唔會太甜, 綠茶味配果仁又超夾!!! 造型又夠晒吸引! 岩晒做Party food/ 聖誕小禮物/ 聖誕大餐甜品~~~ 花少少心思加D裝飾,超有聖誕feel, 大小朋友見到實搶住要呀!!! 材料: (1份約做到8-10件5cm聖誕樹) 朱古力味 黑朱古力(72%/85%) 200g 無鹽牛油                   80g 糖                             80g 低筋麵粉                  55g 泡打粉                     1.5g 幼 鹽                           2g 雞蛋                         2隻 果仁                        50g 綠茶味 白朱古力              200g 無鹽牛油               80g 糖                         15g 低筋麵粉              55g 泡打粉                 1.5g 幼鹽                       2g 雞蛋                      2隻 果仁                     50g 綠茶粉                 20g 裝飾: 白朱古力,糖珠,食用閃粉gel,百力滋 做法: 1\.     牛油室溫放軟,加入糖一齊打發至奶白色 2\.     加入雞蛋拌勻 3\.     朱古力用熱水坐溶,再加入糊中拌勻 4\.     篩入低筋麵粉,泡打粉,(綠茶粉)及鹽,再拌勻 5\.     最後加入果仁,拌勻即成麵糊 6\.     焗爐預熱,170C焗20-25分鐘 7\.     出爐後脫模及完全放涼        (想切時更易定形,可以放入雪櫃雪2小時再切) 8\.     將蛋糕切成約5cm長方形,再斜切成對三角形 9\.     將白朱古力坐溶至約25度,倒入牛油紙卷/唧袋中,               剪個小口,再唧成彩帶裝飾 (想方便,可以直接係烘焙店買各種顏色既朱古力裝飾筆) 10\. 再加用食用閃粉gel及彩色糖珠 11\. 用百力滋裝飾成樹腳 12\. 完成啦!! 妹妹心得: *果仁可以用Pecans、合桃、夏威夷果仁,切一半就好,不要切碎影響口感 *可用cookies cutter整成薑餅人或其他公仔, 但因為有果仁,所以要用力切,同埋最好雪實先切 詳細食譜在: http://sisterkitchenpalace.blogspot.hk/ facebook.com/sisterkitchenpalace