【齊齊食雞】紅磡小店玫瑰雞翼 + 元朗超巨型炸雞脾!

潮流興「食雞」(網上遊戲《絕地求生》的匿稱),咁我哋當然唔好執輸!不過今次就唔係打機,而係食啖啖肉,多汁又香噴噴的雞件!今次走到紅磡及元朗2間最近人氣高企又抵食的小店,齊齊食雞啦!

【立即讚好】全新 Yahoo Food Facebook 專頁

小店名叫「雞翼山」,可以說是最有文青feel的雞翼店,無座位,主力做外賣。(a)

其中一幅外牆寫上寫上小店的標語,感覺好’台灣’。 (a)

(避風堂蒜香雞翼製作中),這裡用的是無激素的中等size雞翼,全部即叫即炸即炒,入盒時仲熱辣辣。(a)

這款「避風堂蒜香雞翼」在炸香後會再加入大量的蒜及辣椒炒。(a)

避風堂蒜香雞翼 $48/6件。雞翼外皮薄而脆,入口麻辣並重,蒜片份量多,微微脆口好過癮!(a)

文青風玫瑰雞翼 $48/6件。雞翼用自製的玫瑰糖漿炒過,在外表包圍了薄薄的一層,再灑上可食用玫瑰花花瓣。(a)

和平時吃的雞翼最大不同是入口香甜,不油膩,食完都唔易滯。(a)

$128/16件雞翼及2款飲品(可選雞翼或雞槌)。開party之選,可以叫8件雞翼加98件雞槌,貪心人必叫。(a)

雞槌(熱情果味)中等size,外層炒得香,甜甜地好開胃。(a)

我係鹹檸七雞翼 $48/6件。老闆之一Steve大力推介!用泰國鹹檸檬及七喜煮成汁再炒香,入口真係好似飲緊鹹檸七,甜甜地幾清新。(a)

濃味三重芝士流雞翼$48/6件。非常濃稠的芝士醬由大孔芝士,紅車打芝士及水牛芝士煮成,芝士汁落得夠慷慨,沾滿每隻雞翼。(a)

和風濃口味噌雞翼$48/6件。雞翼以長野的味噌醃過,由於味噌在醃漬過程中加了海鹽,雞翼的味噌香特別濃厚。(a)

加分位是外賣盒,甚至飲品杯都是「可自然分解」,夠環保。(a)

小店位置不在元朗大街卻長時間客滿,外賣order超多,約十幾個座位都長期迫爆,有時下午5點已經沽清,都幾誇張。(b)

至識食雞脾意粉 $42(包熱飲)。King size炸雞脾大到離譜!即叫即炸,外表已經見到表皮炸到脆卜卜,有些部份帶微焦更香口,咬落卻唔乾身,鹹香多汁,好正!太陽蛋也煎得好靚仔,整體賣相好吸引。(b)

雞脾佔了足足2/3隻碟!細食的話,食完已經好飽;另,意粉可選黑椒汁、白汁或豉油。(b)

食客可以由開放式廚房略略見到製作過程 —— 雞脾先焗再炸,因此留有肉汁,雞皮也更香口。(b)

INFO
a/ 雞翼山
地址:黃埔站德民街29號德民大廈地下F3號舖(近民泰街)
b/ 覓食家
地址:元朗鳳翔路 17-31號鴻運中心地下 14 -18號舖 (97356822)

【有好東西分享?】立即去Yahoo Food Facebook 專頁投稿/片