【食譜】芋蝦:承傳菜式,心機滿載!

food-yesnews:

上年試整芋蝦大少爺驚為天人,佢覺得點解我可以整到。

但上次臨過年病了無得再整,我一直都記住大少爺好鍾意,所以一定要整。

今年係進步版,炸得色澤無過火,加上芋頭切絲切幼過上年所以賣相都靚過上年。

包包問:咩嚟?

我:芋蝦

包包:邊個教你架?

我:無人教只係我食過你太婆整……

上兩代嘅人乜都肯自己整,而家啲人乜都只會買,我要承傳下去希望有機會整到比自己啲孫食!

(包包家陣先四歲未夠,哈)

呢樣食物唔難整,但要有心人……

寂寞也揮發著餘香 原來情動正是這樣 曾忘掉這種遐想 這麼超乎我想像~

你要肯切肯去炸,唔怕辛苦,無勤工獎、無雙糧都肯做就一定做到。

食譜:

芋頭   半個

糯米粉    1湯匙

鹽    1/2茶匙

五香粉   2茶匙

糖    1茶匙

紹酒   1茶匙

心機    1擔

做法:

1. 將芋頭做成幼條

2. 我無刨絲既刨,整呢個就要好幼絲但又要長。結果呢……我刨成薄片再切幼絲

呢度成擔心機

4. 所有調味料撈勻放入芋絲中

*芋頭一沾上鹽就會出水,出水就會唔好食,所以一撈調味後就要盡快炸

5. 用個圓到有細孔既漏勺放入已調味既芋絲(如下圖)

6. 放入油鍋中炸,個重點係當佢成形後(如下圖)你反轉個殼芋絲就會跌出來

7. 咁你就由得佢晌油鑊中自炸,炸至金黃色就可以盛起

8. 油既油度要燒得夠熱佢先會容易定型,炸既中途可以轉中火

9. 臨上碟時要較番大火逼番啲油份出來就會好乾脆


飲食資訊由熱新聞提供
原文連結: 承傳

更多相關內容