【雞翼迷必去】淺水灣雞翼嘉年華 近百款雞翼+辣雞比賽+尖叫雞打卡位

今個夏天,香港舉行了各式各樣的嘉年華,但估唔到係暑假尾聲,淺水灣the pulse會舉行一個以「雞翼」為主題的嘉年華!一連兩個星期的雞翼嘉年華於 8 月 17-18、24-25日舉行,今個星期以火辣雞翼為題,場內有數十款即席炮製的火噴噴雞翼,包括經典初階水牛城雞翼、惹味新加坡辣蟹味雞翼外,亦會舉行辣雞比賽,參賽者要係限時內完成level 1至8的奪命雞翼,選出「辣得之皇」。

第二個星期則有近百款雞翼,包括不少大膽創意口味如玫瑰雞翼、鹽檸7雞翼、熱情果紅棗寶寶雞翼等,現場更設有水煙,比大家chill住嘆雞翼。此外場內有超過五千隻海賊造型尖叫雞打造多個打卡位,亦有澳門音樂網絡紅人「Pai leaDer 排長」 與Sean彭永琛組成的「South 2」同大家 Jam 歌、跳舞、玩水、玩遊戲,鍾意雞翼的朋友一定要去開下眼界啦!

一連兩個星期的雞翼嘉年華,既有辣雞比賽,亦比大家試試近百款雞翼,一定可以滿足一眾雞翼迷。


場內有超過五千隻海賊造型尖叫雞打造多個打卡位,相信場內一定「尖叫聲」四起!


入場人士可獲得海盗帽一頂、雞翼四隻及海賊造型尖叫雞一隻。

 

尖叫吧!海賊雞翼嘉年華!


日期:2019年8月17、18、24、25日 (星期六 及日)


時間:下午2時至8時


地點:淺水灣海灘道28號the pulse 商場天台


入場費:  網上購票 - $99     現場購票 - $120


詳情:參加者可到以下網址pirateswingsfest.eventbrite.com購買入場劵,每張入場劵包括雞翼四隻、海賊造型尖叫雞一隻及海賊帽一頂。

 

更多相關文章

【BNO續期】英議員促予持BNO港人英籍!賦予部份公民權利

【香港好去處】中環大型市集!300個日韓台手作品牌+草地音樂會

【中環好去處】大館古蹟打卡遊!味嘗樸素江南style


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!