【銅鑼灣食乜好】人氣騎呢café + 抵食澳門菜

銅鑼灣貌似食肆多多,但其實「搵食」一點也不易,想搵間抵食又坐得舒服的食店?睇睇以下2間啱唔啱你心水?

【立即讚好】全新 Yahoo Food Facebook 專頁

是上樓舖,但店面超大,一室紅紅黃黃藍藍好sharp。最正係亮點處處,Mr. Bean、英女皇、金正恩、藝術家達利大頭畫像最搶眼。(a)

Café一邊是180度大玻璃窗,有日光最靚。(a)

牆上寫著不少搞鬼slogan,不妨細嚼。(a)

Menu好有娛樂性,像小店招牌菜鰻魚飯,夠膽用「求求其其」來命名,其實,算不算也是自信一種?(a)

星戰迷,有無興趣一試「尤達的體液」……?(其實是rum酒、檸檬汁加火龍果汁的特飲)(a)

求求其其蒲燒鰻魚蛋包飯 $140 (原條鰻魚)。賣相好靚仔,每碟用上2至3隻蛋,鰻魚原條蒲燒,配木魚碎,其實一點也不”求其”。(a)

鰻魚身軟熟皮香口,燒汁甜甜地,蛋煎得剛好,滑而嫩,不會太熟。(a)

都幾辣的泰式打拋豬烏冬 $108。感覺似泰式肉碎炒河,不過就換上烏冬,加了泰國香葉及打拋醬,辣辣地,帶點蒜香。(a)

不過如此炸雞翼 $68。雞翼有原味、芝士味、及(圖中的)蜂蜜芥末味。刻意選用size細一點的雞翼,醃得入味。(a)

今天的心情比薩 $98。即是daily special。採訪日就有煙肉、明太子、豬肉、洋蔥、芝士配火箭菜。Size頗大,以價錢來計其實幾抵食。(a)

脆炸薯條 $58(大)。薯條有明太子、芝士或原味可揀。明太子醬自己調過,鹹甜香口。(a)

手工紫薯牛奶 $48。先飲到面層的牛奶,飲到底才吃到紫薯,整體調得不太甜,好飲!(a)

紫薯蛋糕 $38。不用現成紫薯粉,用原個紫薯壓成蓉,底下是混了紫薯的cheese cake,入口軟綿好吃。(a)

提拉米酥聽過未 $48。咖啡,baileys,再在面頭灑上可可粉,飲落先甜後有酒香。(a)

葡國菜在香港很多,打「澳門菜」旗號的(不是茶餐廳)就不多見。最近進駐Time Square頂樓的「小島 · 澳門菜」就值得一試。(b)

裝潢以天藍色為主調,加上澳門風味的彩繪磚。(b)

澳門風味下午茶餐 $158(2位用) (星期一至五,3pm-6pm供應)。下午茶時份去到,不少人都會order這款tea set。 (b)

有齊豬扒包、黑醋豬手、芝士馬介休球、手打墨魚餅、葡撻、木糠布甸 (另配澳門風味奶茶或花茶)。(b)

小島乳豬脆包配葡式甜辣醬 $138。可說是豬扒包的變奏,不用豬扒,改用西班牙燒乳豬(已去骨),乳豬皮脆,肉略肥,多汁。醬汁則由葡式piri piri辣醬改成,少了辣多了甜。(b)

西班牙燒乳豬會先風乾,再以慢火烤成,肉唔嚡亦唔乾身,加點辣醬更惹味。(b)

小島鵝肝焗鴨飯 $168。超厚鵝肝、葡國肉腸、油浸鴨肉配黑橄欖,焗至飯粒軟身入味。(b)

小島咖喱羊架 $185。用BB羊架,肉嫩唔韌,少少羶香,撈飯食一流!(b)

英記杏仁餅木糠布甸 $45。在手指餅中也混了杏仁餅碎,喜歡杏仁香的不會失望。(b)

INFO
a/ Mamaday
地址: 銅鑼灣霎西街28號必發大廈1樓 (21640066)
b/小島澳門菜
地址: 銅鑼灣時代廣場食通天13樓1302店 (3101 9539)

【有好東西分享?】立即去Yahoo Food Facebook 專頁投稿/片