邪惡下午茶> 港式西多士 (附食譜)

記得喺芙芙有咗嘅時候,胃口冇咩大變,
只係特別渴求食麵包類嘅食物,而且仲成日偷雞去快餐店食西多士,
突然好懷念大肚時嘅感覺,既然都卸咗貨,不如自己整嚟食下啦。

港式西多士 食譜

材料: 去皮方包2片、花生醬適量、雞蛋2隻、牛油1小塊、蜜糖適量

1. 於兩塊去皮方包上抹上花生醬,然後夾好。
2. 雞強打成蛋液,將夾好的方包均勻地浸在蛋液中。
3. 平底鍋中燒熱油,以中小火煎方包至兩面金黃盛起。
4. 於西多士上抹上牛油及蜜糖,即可享用。

歡迎到Facebook like下芙芙little kitchen

芙芙喜歡吃花生,所以選用有粗粒嘅花生醬。

麵包好快就吸滿哂蛋液。

在家自製西多士都係非常容易同簡便,基本上10分鐘就搞掎掂。

食完立即充滿力量,如果配多杯凍奶茶就完美啦。