【街坊都buy】元朗足料豉油雞 + 魚唇羹 + 花膠翅!

元朗一向是口福之地,耐唔耐就會爆出一兩間平靚正的小食店,又睇下以下這2間有無驚?!

【立即讚好】全新 Yahoo Food Facebook 專頁

下午2:30pm-7pm開檔的是「波士豉油雞」,豉油雞須預訂,然後揀時間來取貨。(a)

這裡的豉油雞用比冰鮮雞成本貴一倍的「風冷雞」(即:雞隻經過冷風風乾,沒有急凍),因此肉質比冰鮮雞彈牙,每隻都連滷水汁入密實袋,再慢煮2 - 3小時而成。(a)

隻隻豉油雞都足2斤半重,4人食都唔會唔夠分。(a)

波士慢煮豉油雞 $90/半隻、$180/全隻(須致電預訂)。細心位是拿回家前,老闆Boris會把雞和滷水汁分開,回家後只要加熱就食得。(a)

滷水汁是老闆經過3年時間,按客人意見不停修改得來。(a)

慢煮豉油有光澤,肉嫩,雞脾滑到不能,用手指按一按feel到很有彈性,明顯比冰鮮雞高質。(a)

慢煮過肉特別腍,用手撕開,肉汁還留在骨肉之間。(a)

約6:30pm – 7pm就會換上另一檔,由老闆「龍哥」主理,必吃是招牌菜魚唇羹。(a)

跳橋魚唇羹 $25。當年由街邊車仔檔打響成堂就靠佢!每日都由龍哥煲好一大桶,放在保溫壺內,帶來開檔。(a)

魚唇幾乎全部溶化在羹中,另有少許花膠,乾瑤柱及雞絲,十級滑溜又好足料。(a)

飛天雞翼尖 $20。花雕酒、指天椒及蒜蓉醃雞翼,隻隻都充滿酒香。肉不多,不過真係好滑好入味,慢慢啜已經好正。(a)

梅香蕃薯條 $25。長過手掌的蕃薯條粗切,炸得香脆,乾身唔會油林林,粉漿薄薄一層,蕃薯本身非甜!炸好後吸一吸油,再灑上話梅粉,增添酸香。(a)

煎牛舌 $30。小店招牌菜之一,白舌剪得細細粒,用自製滷水醃入味,即叫即煎,入口勁腍又無渣。(a)

原是由尖沙咀搬來的小食店「百利來」,上年年尾結業後,轉戰元朗這個熟食市場。無冷氣,靠幾把大風扇吹,個個都食到大汗耷細汗但仍然超多人棒場!可見味道有幾正。(b)

足料花膠湯翅 $25/碗。碗碗都有3,4件花膠,加冬菇絲,雞絲及素翅,交足貨。(b)

上枱時可再加醋或麻油,不過建議唔好加太多醋,先吃原味。入口微微黏口,帶花膠及雞湯的鮮甜,濃稠而滑身。(b)

免費任加的「辣椒菜脯」是小店的絕技之一。用魚仔,2種蝦米,蒜及菜脯自己炒香,辣得有層次,魚仔好香口,當小食都得。(b)

百利炸3寶 $25/5件。即茄子、青椒及炸雲吞,勝在炸得香口又多汁,特別是茄子,明顯比坊間的juicy得多。(b)

椒鹽四季豆 $20。主角是四季豆面頭的蒜蓉,自己調過味,蒜香濃濃。(b)

老闆娘鐘情泰國菜,menu幾款小食都有東南亞特色。泰汁炸雲吞 $20/5件。粉薄,鯪魚肉餡爽彈有魚味,正!(b)

蟹子丸 $20/4粒。丸類是叫貨,但就很有誠意地自調沙律醬,帶點檸檬酸香。(b)

蒜香炸豆腐 $20。一口大小的炸豆腐,簡單好吃。(b)

1/ 肥波龍
地址:元朗福田徑2-16號樂富大廈1D號地鋪 (90775359)
2/ 百利來美食
地址:元朗鳳琴街19號鴻運中心61地下 (9380 2029)

【有好東西分享?】立即去Yahoo Food Facebook 專頁投稿/片