【荔枝角美食】窮食$30有找台灣小食!滷肉飯/蔥油拌麵/炸雞扒

【荔枝角美食】窮食$30有找台灣小食!滷肉飯/蔥油拌麵/炸雞扒

今時今日,當利是都動輒$50/封,你拿著$30蚊?抱歉,真係連金拱門都食唔到。荔枝角偏偏有間新小店,全部食物一律$30以下。也別以為是腸仔/魚蛋/燒賣般攝牙罅式小食,小店竟然是做台菜的。

【立即讚好】全新 Yahoo Food Facebook 專頁

港式茶記態度   賣台式小食

先小人後君子,如果你抱著非常高的期望來到,你大有可能會失望。店主之一Luffy坦言,幾位店主之前從事零售時裝,都是半途出家加入飲食界。將勤補拙,開店前花了個多月時間上網找食譜,問朋友,自己測試,改良,失敗,再改良,才得出現時穩定的烹煮方法。

主力外賣,店內僅有三數個迫夾的企位。
幾位店主都是飲食界新手,當中Luffy算是對飲食最有經驗,做過水吧,沖過咖啡,也客串做過調酒師。
食物共22款,全部$30樓下,平過「麥記」,今時今日,絕對不易找。

看看menu,僅22款食物:滷肉飯、肉燥飯、蔥油拌麵、炸雞扒、肉鬆蛋捲餅、抄手等。大部份都是預先煮好料,收到order再組合,5分鐘內可以出到餐。

懷舊肉燥飯 配雞扒 $29。如圖中一樣大盒也是三十蚊有找,真心抵食。
取免治豬肉,全瘦,炆煮得算入味不會只得死鹹。
大過手掌的雞扒即炸,偏油膩。

快速出餐,Luffy解說是「針對附近上班族的需要,附近廠廈多,一到午飯,間間食店都好擠迫,唔少人寧願買回office食,佢地未必要求食物好精緻,但就要求快靚正,因為lunch time好快過。」也因此他刻意把價錢,「快餐嘛,不會賣得太貴。」

黃金炸雞塊 $25。大不食的話,一塊已經夠飽,還貼心附幾片檸檬解膩。咬開肉質也不算嚡。
每盒都有2大勺珍珠米飯,配料非常大份,非常飽肚。
腩肉肥比瘦多,入口雖然略韌卻算入味。

抵食 有誠意

既快且平,會否馬虎?入廚房看看,配料如魯肉,肉燥,炸雞的炸漿,蔥油汁放得整齊,全是自己調製,算有誠意。

古早滷肉飯 $29。
簡單醃過的雞中翼有order時才炸約5分鐘。
椒鹽雞中翼 $12/2隻。灑上大量椒鹽,雞皮炸得脆口,乾身惹味。

如肉燥選用免治豬肉;魯肉用肥瘦比例7:3的腩肉,先炆後加香料浸煮入味;米飯都用珍珠米,份量好多,一盒2大勺,細食一點的OL都食唔哂。你說味道有驚喜嗎?當然不是,但如果你想抵食夾大件,食物中規中矩,又錫住荷包,這間絕對可作日常飯堂之列。

惹味蔥油拌麵 配黑白花枝丸 $25。花枝丸正常,麵條偏腍,最口好吃的是自己調製的蔥油汁。
紅酒抄手 $15。也是普普通通,上碟夠熱,皮略嫌不夠彈。
台式肉鬆蛋餅 $25。微甜好吃,但肉鬆太濕身,蛋香也可以再香一點。

台站

地址:荔枝角長沙灣道883號億利工業中心地下6A1號舖(地圖按此)

電話:6613 5934  

相關文章

【荔枝角美食】貼地素食店!素食餐蛋飯+素煲仔飯+素肉骨茶

【深水埗美食】越式小店賣足料法包!店主:一日食足7餐法包

【深水埗美食】亂世兄弟班!賣 $18免治牛肉飯撐學生

【有好東西分享?】立即去Yahoo Food Facebook 專頁投稿/片