聖誕食自助餐，當然期望是有質素的大魚大肉！金鐘這間酒店的自助餐一直不乏捧場客，12月的自助餐雖沒有特別主題，但有一連串矜貴海鮮和中菜，款式少見，可任食帝皇蟹腳、威靈頓牛柳、鮑魚、花膠等，即睇有咩食！
撰文：Joan 攝影：Fion、Day
延伸閱讀：
季候風殺到香港！11月尾終於轉涼 天文台：新界最低氣溫16度
【香港人嘗香港味】轉角遇「良茶隅」本土良心手工製 療癒支裝涼茶！
金鐘JW萬豪酒店自助餐 最平85折
金鐘 JW 萬豪酒店的自助餐一直不乏捧場客，餐廳甚少宣傳但也幾乎日日爆場，12月的自助餐有一連串矜貴海鮮和中菜，以下提及的菜式會於自助餐區每日隨機供應，普通日子以指定信用卡最平有85折優惠！但想食齊咁多款矜貴菜式的最好Book 12月24-26和31日，即睇有咩食！
全球蝦蟹晒冷! 任食帝皇蟹腳
海鮮一向是大家衝自助餐的頭號目標，這裡一共有6款，全球海鮮晒冷！網羅日本帝皇蟹腳、中國花蟹、加拿 大麵包蟹、越南大虎蝦、波士頓龍蝦和本地龍蝦，非常揼本，自助餐少見，啱晒好蝦蟹的朋友!
食肉獸注意！任食威靈頓牛柳＋和牛
海鮮已吃撐了？冷靜啲！熱食區都未出招，肉類五花八門，充滿聖誕氣氛 的威靈頓牛柳，工序繁多，牛柳煎香、栗子和雜菌炒香後分別雪過夜，酥皮包著巴馬火腿、雜菌和牛柳再捲起焗香，坊間起碼七百元一客，這裡吃 一件都回本啦！另外還有燒火雞、M5和牛肉眼扒、香草燒羊架、片皮鴨等切肉。
聖誕期間限定菜式，酥皮香隔幾尺都聞到，最正是件件厚切，牛味濃郁、酥皮香脆，記得配以野菌汁同吃，濃郁可口。
慢煮M5和牛肉眼扒，即點即切，粉嫩肉身未吃已引死人，外皮焦香恰到好處，肉質腍滑帶豐富油脂，私心推介。
火雞重16-20磅，用香草、黑胡椒等醃製，再用慢火焗香，雞肉滑嫩，應節一流。
羊架外層鋪滿香草酥皮和麵包糠，煎完再焗，肉質有彈性帶適中肉羶味。
片皮鴨用上大隻多肉、油脂適中的北京鴨，塗上麥芽糖吹乾才炸香，外皮鬆化卻不會太肥膩，配以青瓜、大葱和乳豬醬捲著同吃，會貪心想食多件！
更多熱盤！鮑參花膠無限任食
你以為我講完?熱盤仲有鮑參肚！南美花膠扒、南非鮑魚和加拿大海參，全部密密 Refill 任你食，用料新鮮，簡單蒸焗再配上蠔油芡已足夠。
加拿大海參彈滑粗身，口感豐富，伴以起碼6頭的南非鮑魚，有嚼勁又滋補。
花膠扒長身大片，先蒸再燜，嗦滿蠔油汁，彈牙富鹹香，女士們養顏必吃。
惹味香口，日本皇帝蟹腳先撲漿油炸，Keep住肉汁，再加入紫天椒、葱以避風塘方式爆炒，濃味得來又帶鮮甜蟹味。
用上肉甜的本地龍蝦，龍蝦來貨新鮮，所以做法也不用太花巧，醬汁以上湯打芡，簡單好吃。
冷盤＋沙律區
冷盤區自成一角，有多款火腿、芝士，靠牆的一邊還有一個沙律櫃，各款新鮮蔬菜可自行配搭。
甜品：芝士撻＋抹茶紅豆車輪餅
行到甜品區，都會被密密出爐的芝士撻香味吸引住，咬開脆身的牛油撻 皮，香濃熱辣的流心芝士漿已經急著湧出來，小心辣嘴！還有抹茶紅豆車輪餅，師傅也在爐邊密密製作，甘香抹茶車輪餅包著紅豆粒，微甜飽 肚，食一個夠啦，同場也有聖誕主題甜品和Häagen-Daz雪糕近廿款糕餅，選擇豐富，呢張金牛，抵畀!
每晚分三輪出爐，香氣撲鼻，牛油撻皮鬆脆，芝士漿一咬即流心，芝味濃郁軟滑。
傳統的果子麵包，麵包以冧酒浸過，伴著提子乾、杏仁等乾果粒，質感介乎牛油和蛋糕之間，充滿聖誕氣氛的甜品！
紅色聖誕老人蛋糕是朱古力海綿蛋糕，外層是車厘子、香草豆和肉桂，酸香和可可味互相平衡；藍莓撻撻底是杏仁忌廉，再鋪上藍莓醬和新鮮藍莓粒，酸甜解膩，食完再戰！
JW咖啡室@金鐘JW萬豪酒店
地址：金鐘道88號太古廣場香港JW萬豪酒店5樓（顯示地圖）
電話：2810 8366
自助晚餐供應時間及收費
12月1-23日、27-30日 6pm-10pm 星期一至四 成人$768、小童$538，星期五至日 成人$818、小童$578
12月24日：首輪（5:45pm-8pm）、次輪（8:30pm-10:30pm）成人$1,188、小童$788
12月25日：首輪（5:45pm-8pm）、次輪（ 8:30pm-10:30pm）成人$1,058、小童$748
12月26日： 6pm-10pm 成人$828、小童$588
12月31日：首輪（5:45pm-8:15pm）成人$1,018、小童$718；次輪（8:45pm-11:30pm）成人$1,258、小童$888
2019年1月1日： 6pm-10pm 成人$758 、小童$538
備註：
1)另收加一。
2)以指定匯豐、DBS、中銀信用卡惠顧晚市自助餐，2至5位可享9折優惠、6至10位可享85折優惠，優惠不適用於12月24至26日及31日。
（優惠只適用於特選恒生信用卡客戶。特選恒生信用卡包括恒生Visa Infinite卡、優越理財World Mastercard®、World Mastercard、香港賽馬會會員卡（萬事達卡白金卡及金卡）、競駿會會員卡、白金卡、人民幣白金卡、聯營白金卡、聯營白金消費卡、商務卡、銀聯人民幣鑽石商務卡及公司卡，其他詳情按此。）
（優惠只適用於特選匯豐信用卡：卓越理財信用卡及白金卡或以上）
（優惠只適用於特選DBS信用卡：白金卡、黑卡、Eminent Card、COMPASS VISA）
（優惠只適用於特選中銀信用卡：BOC Visa Infinite, Diamond Card, Visa Signature, World MasterCard, Platinum and Commercial Card）
水務署水諮會：東江水大腸桿菌超標 超出標準30倍｜食物安全｜
【非常餐單】HAKU割烹Omakase午餐！尖沙咀明星日菜 5道菜優惠菜單｜新假期Tasting Menu｜
延伸閱讀：