海底開餐!挪威開全球首間海底餐廳 7,000人輪候排隊

記唔記得上年同大家介紹過挪威一間海底餐廳呢?呢間名為Under嘅海底餐廳終於開幕,成為全球第一間海底餐廳!Under由一條海底行人隧道進入,再由一條8米深嘅樓梯直達底層,水底下可以透過特大玻璃直接望到海洋,尤如置身海底食飯一樣。餐廳只有40個位,18道海鮮餐一共承惠430美金,據講已經有7,000幾人排隊輪候,預計要等到下年先排得到喎。Under設計師就話,餐廳可以抵禦世紀最大嘅浪,就算惡劣天氣環境一樣無問題。海底餐廳尤如一個海洋博物館,有好多唔同海洋生物會經過。一路睇魚一路食魚,係咪好新鮮呢?不過唔知要排咁耐隊,大家又會唔會排呢?

Under有一個成11米嘅特大玻璃窗。

Under外型尤如一個博物館,好有型。

從海底望過去,Under真係尤如海底潛艇一樣。

相關文章:

全球最受歡迎菜系 最叼嘴民族竟然係…

【周末好去處】中環免費戶外瑜伽 拎瑜伽墊就去得!

烏克蘭首都改名Kyiv幾年 外界一直用錯名!


.

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!