【搵食好去處】夏日炎炎 3大優質海鮮brunch一覽

Daphne

夏天繼續吃吃吃,不過想吃得清爽一點,可以選擇一系列全新出爐、有齊多款海鮮的周日早午餐,以下3間都是近期的優選之選,部分仲附隨任飲香檳,雙重消暑。

香港朗廷酒店Bostonian Seafood & Grill 無限量添飲Perrier-Jouët香檳

[/caption]

扒房Bostonian Seafood & Grill出名水準唔錯,令今次的周日互動式早午餐更見吸引,先有珍寶海鮮塔及一系列冷盤,前者備有時令生蠔、阿拉斯加蟹腳、鮮蝦及翡翠螺,後者則不少得自家醃製三文魚、多款手工芝士、歐陸凍肉、自家製麵包及沙律吧,最難得的,是另有焗波士頓龍蝦、香煎鴨肝、西班牙海鮮飯、烤乳豬及白酒煮青,選擇豐富。主菜可選從黑安格斯牛里脊肉(6安士)、威士忌醃塔斯曼尼亞有機三文魚扒或純素的意大利黑松露牛肝菌燴飯中任選其一,最後更有自助甜品區。每位$688起,不分時段食足4小時之餘,仲可以無限量暢飲Perrier-Jouët香檳,唔算貴!有小朋友的,場內更設有兒童玩樂天地,可以帶埋細路輕鬆歎。

價格:成人每位$588、小童(5-11歲)每位$294,可任飲汽水和橙汁;成人每位加$100及$200,可分別任飲Perrier-Jouët Grand Brut N.V.香檳、指定紅/白酒 ,汽水和橙汁及Perrier-Jouët Blason Rosé Grand Brut N.V.香檳、指定紅/白酒 ,汽水和橙汁,設加一服務費。

供應時間:逢星期日12nn-4pm

地址:尖沙咀北京道8號香港朗廷酒店低層大堂

查詢:2132 7898

***

The Murray The Tai Pan 生蠔襯片皮鴨

The Tai Pan是個環境開揚,極適合吃brunch的好地方。於5月開始供應的早午餐,不但有各種兒童活動(每周輪流推出面部彩繪、扭氣球及魔術表演等活動)等你可以一家大細無憂地吃,更有即開法國生蠔、薰衣草泡沫蘆筍濃湯、即製炒蛋、新鮮沙津、煙燻海鮮、冷盤、精選頂級芝士等,場內更特別供應北京填鴨及即場製作之意粉,好吸引!6選一主菜中,有青豆大麥意大利飯、烤雞肉捲、焗釀半隻緬因州龍蝦(另加$98)或香烤澳洲乾式熟成肋眼牛排(另加$128)。甜品專區上盡是精緻美點,更特設小童區,備有雪糕車、迷你漢堡、芝士通心粉、爆谷等,讓大小客人皆樂在其中。

價格:成人每位$598、小童每位$298 (5至11歲);無限享用飲品只需每位額外加$298 (包括NV "R" de Ruinart Brut香檳、啤酒及紅白餐酒),設加一服務費。

時間:逢星期日12:30pm-3pm

地址:中環紅棉路22號The Murray, Hong Kong酒店花園樓層

查詢:3141 8888

***

半島酒店Felix 名店首推周日brunch

位於酒店高層的Felix,環境飽覽維港美景,於此吃brunch特別寫意,而且是餐廳的首個sunday brunch,自然不會令人失望。Brunch首先帶來自助餐區,設有冰鎮海鮮區、各款雞蛋美食、芝士區、沙律區、即切西班牙黑毛豬火腿、甜品區,前者備有超大隻帶子、龍蝦、蟶子等,款款好新鮮;芝士區也別具陣容,放滿西班牙Manchego羊奶芝士、西班牙Idiazábal芝士、Bleu d'Auvergne藍芝士、Brie 布利芝士及帕瑪森芝士。主菜有意粉、浸三文魚、意大利飯、漢堡包等,另有供2人分享的威靈頓牛柳,意大利飯還附有松露啊!

價格:成人每位$898、小童每位$638(6歲或以上),設加一服務費。*另加$152可任飲汽水、加$172更可任飲雞尾酒、啤酒及紅白酒、加$192則有半島品牌 Deutz香檳、加$382可享Ruinart香檳

時間:逢星期日11:30am-3pm

地址:尖沙咀梳士巴利道22號香港半島酒店28樓

查詢:2696 6778