愛爾蘭Cafe收小朋友「尖叫費」!帶小朋友旅行 注意4大貼士

有時去餐廳食飯時,鄰座小朋友大吵大鬧,真係好令人困擾,愛爾蘭首都都柏林就有間咖啡店The White Moose Café,店主為了維護員工和其他顧客權益,係Facebook發文公告,稱如果有帶著一個吵鬧小孩的客人將會被多收取15%「尖叫費」,而且費用亦會隨住吵鬧小孩的數目而增加,而4名小孩同時吵鬧的話,該組客人將會被要求離開咖啡店。結果貼文一出,立刻引來網友們留言支持。

事實上,人人都有情緒,更何況係小朋友,尤其係去旅行個陣,又要坐飛機,又少了休息時間,去到一個陌生環境又無安全感,的確令小朋友更易吵吵鬧鬧。爸爸媽媽們係決定帶小朋友去旅行之前,不妨參考以下4個貼士,咁樣大人同細路都無咁辛苦。

從短線遊開始

小朋友首次出門的話,建議先兩日一夜的短線遊開始,比大人知道小朋友旅行時的脾性,又比小朋友熟悉一下旅行時的模式。之後,可以選擇多些親子設備的旅行目的地,如沖繩、台灣等地。

上機前放電

上機前,盡量將小朋友嘅電放晒佢,比佢係機上有覺好訓。另外唔好揀凌晨機,畢竟打擾到小朋友正常作息,唔發脾氣就假。

事前準備

韓國有媽媽試過準備咗200個附帶耳塞的糖果袋送比機上乘客,以防小朋友在機上哭鬧打擾到其他乘客。大家即使唔送禮比其他乘客,都要好好準備一些可以氹小朋友的小玩意,防止或制止他哭鬧。

執行李

出發前,父母一定忙於執行李,怕帶漏就麻煩。建議準備一張Check List,再按著當地天氣,照單執野。

相片來源:pakutaso