【賀年食品】40年老字號糧油舖 店二代:「做得到都繼續做!」

時代流行撐老店,因為人情味買少見少。「人情味」三隻字,近年於報紙電視見得多聽得多,但到底,怎樣麼才算有人情味?來到由1976年營業至今,旺角柏樹街的雜貨舖<成興隆>,逗留短短十分鐘,一幅幅活生生的「人情味」浮世繪將會呈現在你眼前,任君細味。

【立即讚好】全新 Yahoo Food Facebook 專頁

「小朋友揸穩盒蛋呀,跌爛咗返去俾媽咪鬧呀,哈哈!」聲音洪亮的,是二哥阿成。店內柴米油鹽,乾貨濕貨,隨手拿起一件,他都瞭如指掌,可以給你上一節十分鐘的烹飪課,「蠔豉最難就係煮得腍,嗱,你試下,前一晚先放在冰格急凍,第二日煮之前再蒸廿分鐘,焗一焗,就會腍哂喇。」信心爆棚,因為他十來歲已經在店面幫手,對本地醬料品牌尤其熟悉。又因為日日出車送貨,經常和老資格的酒樓大廚打交道,多年來邊做邊學,入廚錦囊早已袋得滿滿。

成立至今逾四十年,熟客由黑髮幫襯到銀髮,早已昇華為朋友。就算搬離本區,農曆年前都會專程回來,入貨事少,敍舊才是目的。

店子現時由二仔阿成(左)及細女阿寶(右)合力撐起,二人一唱一和,很有默契。

人情味不止於顧客,貨架上放的都是合作多年的土炮老字號,像本地名牌糯米粉<李祥和>及有三十年歷史的醬料牌子<百德>,並非間間雜貨店都找得到。

乘著近年保育懷舊大趨勢,小店接受過不少傳媒訪問,剪報填滿兩個資料夾,是街坊眼中的明星小店。

四十年日子悠長,「看門貓」也換過三隻,現時是由街坊那裡領養的「小龍女」。

日本蠔豉 $240/斤(1L)。小店只賣優質日本蠔豉,「邦」是規格較高的一種,肉質實淨,裙邊企理結實,不會一煮就散。

貼士:想蠔豉煮得軟腍,前一晚先放入冰格急凍,煮前再蒸20分鐘,一冷一熱,纖維被破壞,蠔豉就會腍身。

脫水花菇 $240/斤。菇型飽滿,有光澤,爆花紋靚。

菇香夠濃,只要簡單浸淋去椗後,就任你自由配搭烹煮。

天廚醬油 $12/枝、天廚佛手味粉 $12/2兩。八十年歷史本地老字號<天廚>,招牌味粉最特別的是製造過程不加葷腥之物,素食人士都可食用。

年月有價,在這裡,不只烹飪課,你還可以上一堂本土歷史課,因為四十年來,店內陳設都幾乎維持原狀:鈴鈴作響的收銀牛奶嘜鐵筒、長木梯、吊扇、大鐘、巨型米秤、裝放白米的木櫃等等。「其實店面招牌都係上年有必要才換新的」,細女阿寶說起舊事,原來早在1976年開店時,爸爸施先生為了接手父親的米舖而負債,靠其堅毅性格肯捱肯做,咬關牙關把店重新推上軌道,及後爸爸仙遊,也有賴媽媽獨力撐起舖頭,守得雲開,才有今天的安穩。

「媽媽年紀大了,我哋都想佢休息下,嘆下世界。做雜貨店發達就唔會架喇,但爸爸以前教落我哋好多糧油雜貨知識,我同阿哥都好想承傳落去,做得到都繼續做。」講得出做得到,她早幾年已經幫舖頭開設facebook,勤力更新,上載舖頭大小軼事,吸引不少媒體到訪。「才上星期,中國央視就來了取景拍片。」阿寶話未說完,店前就來了一對特地駕車回來敍舊的老夫婦,辦年貨之餘,已經和二哥阿成在大聲談笑 — 這畫面,比起大時大節超市門口辦年貨的排隊人龍,溫馨得多。

舊式舖位樓底特高,要在貨架頂取貨,靠的就是超過三米長的木梯,少些身手也不行。

仍然在使用中的米秤,夠資格放入歷史博物館。

全香港還可以糴米的雜貨店翏翏可數。

二哥名成唔係得把口,他是半個米專家,「新米舊米」、「早造晚造」,邊種有米香,邊種夠軟熟,邊種適合做蒸飯,你問得出,他都答到。

最貴不一定最好,阿成推介 $8/斤的增城絲苗,取其粒粒分明,夠企身。

椒醬王 $40/枝。本地醬料老牌<百德>出品,香辣而富層次,過年蘸蘿蔔糕無佢唔得。

糯米粉 $16/包、粘米粉 $16/包。上一輩都知道八十年老字號<李祥和>的糯米粉品質最好,阿成讚佢夠幼滑,拿來做蘿蔔糕不易起粒。

增城蔗糖 $23/斤。一年一造,層次分明,味清香不甜,做馬蹄糕、年糕靠哂佢。

印度W240腰果 $80/斤。W240即每磅有240粒,腰果大粒飽滿,好脆口。

舊式手寫單據都已經不多見。

一間舖養大一家人,細女阿寶珍而重之,當年結婚時也指定要以舖面為婚照場地之一。

當年店開業,由眾多米商送來的恭賀牌匾,阿成說現只餘下幾間仍然繼續營業。

成興隆糧油雜貨
地址:旺角柏樹街12號地下
電話:2395 0775

【有好東西分享?】立即去Yahoo Food Facebook 專頁投稿/片