【尖沙咀好去處】帝苑嘆下午茶 免費獲即場繪畫卡通人像畫

同好朋友嘆下午茶,大家有講有笑渡過愉快嘅下午,有無諗過呢段時間嘅你可以化身成為 Model,畀畫師根據你嘅造型,創造一個專門屬於你嘅卡通形象?帝苑酒店 J’s 酒吧,與 Craving Sketchers 飢餓畫家合作,喺10月19號、26號,呢兩個星期六嘅下晝3點到5點半,由造型畫師 Ron Chiu,為下午茶食客設計同埋繪畫卡通造型畫,畀現實生活嘅你化身成為活潑可愛嘅卡通人物。

而 J’s 酒吧嘅休閒水果下午茶,以唔同嘅新鮮水果製作,除咗有招牌香橙酒梳乎厘,加入法國 Grand Marnier 即場焗製,仲有宇治綠茶土耳其無花果餅,令味蕾感受甘苦嘅綠茶同埋清甜嘅無花果。其他甜點例如黃梅奶凍、草莓乳酪蛋糕、迷你雜果拿破崙,畀你款式多樣嘅選擇,兩個人價錢係$498,有得食,又有人幫你畫畫像,總算係與別不同的下午茶體驗。

精緻嘅水果下午茶,一次過滿足視覺同味覺嘅享受。

栩栩如生嘅卡通形象畫,根據每個人嘅造型去設計,突顯每個人最得意嘅地方。

招牌香橙酒梳乎厘,新鮮焗製而成。

.

J’s 酒吧

地址:九龍尖沙咀東部麼地道69號帝苑酒店2樓

營業時間:星期一至五中午12時至凌晨1時

                    星期六、日及公眾假期 下午3時至凌晨1時

訂座電話: 2733 2088

.

更多相關文章 

【機票優惠】HK Express全線航點單程低至$98 農歷初六出發! 四國高松來回連稅$933 

貓奴們必去! 大阪保護貓錢湯Cafe 

【香港慈善跑】赤柱Pink Run 5公里慈善跑+嘉年華!助貧困家庭防癌 


.

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊