【將軍澳搵食】皇冠假日自助餐5折 平日午市折後只需$179?!

香港食自助餐愈來愈貴,晚市閒閒地都要$500先落到樓。難得最近香港九龍東皇冠假日酒店為慶祝7週年紀念,尚廚推出5折自助餐優惠,平日成人午餐折實連原價加一價只係$178.8,晚餐則$304.8,優惠只做9月1日至12日,大家可於即日起於網上商店 (http://bit.ly/HangSengC) 以指定恆生信用卡預付購買。由於每日每用餐時段名額100位,目測星期六晚市已滿額,星期日晚市只剩下長者優惠,想食的話可以考慮平日啦!

講返自助餐有咩食啦!今次自助晚餐主題為「泰越共嚐」,供應大量泰國及越南菜,如泰式生蝦、越式辣椒蟹、青咖喱海參鮑魚、泰式蟹肉沙律等。回本海鮮每晚有七款凍海鮮及五款刺身,包括即開澳洲生蠔、北美洲黃道蟹、松葉蟹腳、三文魚、油甘魚等,逢星期六、日、公眾假期及前夕則有波士頓龍蝦、帶子刺身、阿根廷天使粉紅蝦等。甜品有D24榴槤甜品,如即製榴槤班蘭班戟、榴槤千層酥、榴槤黑珍珠雪糕等,選擇豐富。

晚市以泰越菜為主題,午市則是國際美食,兩者都有凍海鮮,包括即開生蠔、北美洲黃道蟹,逢星期六、日及公眾假期供應松葉蟹腳。

晚市有泰式生蝦、越式辣椒蟹、青咖喱海參鮑魚、泰式蟹肉沙律等泰越菜。

今次優惠只做12日,每日每用餐時段名額100位,不接受電話預訂及現場追加優惠。

尚廚 (The Chef’s Table)

地址:將軍澳唐德街3號 香港九龍東皇冠假日酒店1樓(港鐵將軍澳站C出口)

訂座:http://bit.ly/HangSengC

查詢: 3983 0688

更多相關文章:

蠟筆小新殺入將軍澳 千呎樂園有VR遊戲+期間限定店

【香港酒店】愉景灣中秋住宿優惠! 猜燈謎+自助餐+湯圓製作班

【市集活動】西九文青市集!花漾郊遊車打卡位+手作市集+工作坊


.

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!