【大廚教煮】焦糖香蕉,雪糕配法式多士

觀塘區樓上餐廳卧虎藏龍,新開的’Nutmad’就因為一份賣相超靚的法式多士引來不少捧場客。要做出鬆、脆、(蛋)香、軟的金黃色多士,有咩秘訣?即刻請到大廚Joe來親手教路。

【立即讚好】全新 Yahoo Food Facebook 專頁

約1.5cm厚的法式多士,金黃色,脆卜卜,入口軟腍,微微濕潤,就算唔加楓糖漿都好夠味。

材料:Brioche奶油麵包(2塊)、雞蛋(4隻)、糖(約40g)、糖(約40g)、牛奶(230ml)、橄欖油(約1茶匙)、牛油(約1湯匙)。

打蛋,蛋黃蛋白都要。

拌匀。

加砂糖。

加牛奶,攪匀。

輕手把Brioche麵包完全浸入蛋漿,前後,上下,反覆幾下,讓蛋漿完全吸入包身。

溫柔一點,保持包身完整。

麵包放進盒中,把剩餘的蛋漿倒進去。

記住要放入雪櫃,否則麵包會浸得太腍,易爛。至於浸幾耐,最少2小時,想更入味,可以浸過夜。

Tips: 牛油開鑊後,加少少橄欖油,麵包無咁易焦身。

記住用低溫,電子爐的話,大概1000度就可。

麵包底面都要煎,先煎一面,約3分鐘,再反另一面,又3分鐘。煎時可以把麵包抬起,讓油走到包底,更均匀。

成功的話,包面微焦,金黃色,好靚仔!

煎好,入焗爐。大概190度,焗10分鐘。

(準備配料)在香蕉粒上灑糖。

火槍燒至焦糖狀態。

再加上士多啤梨,焦糖碎。

最後加香草,一球雪糕,大功告成!

趁熱食,多士內軟外脆,軟熟卻不會太過腍身,蛋香爆棚。

因為包身浸了蛋漿過夜,啖啖都是蛋味,其實不用糖漿已經好夠味。

鳴謝:
Nutmad
地址:觀塘觀塘道396號毅力工業中心9樓C室 (2254 8268)

【有好東西分享?】立即去Yahoo Food Facebook 專頁投稿/