【大埔車仔麵】私房菜大廚主理車仔麵店!$38/3餸抵唔抵食?

【大埔車仔麵】私房菜大廚主理車仔麵店!$38/3餸抵唔抵食?

車仔麵店偏地開花,一間比一間光鮮,也一間比一間貴,動輒$50/碗麵已經見慣不怪。老實說,是懷舊裝潢好,復古風也好,也不會令眼前那碗車仔麵更好吃,站在消費者角度,寧願小店把車仔麵做回平民價,供街坊日常醫肚。月前大埔有間車仔麵店就推出全日供應的$38/3餸麵,大碗夾抵食,又看看質素如何?

【立即讚好】全新 Yahoo Food Facebook 專頁

店面闊落,冷氣特強,坐得比一般車仔麵店舒服。
店主之一兼大廚游師傅說開店時車仔麵選項超過80款,現時已精簡至60多款,其中有車仔麵店不多見的刀削麵、韓式粉條、客家黃炆腩肉等。
老闆游師傅修業於「中華廚藝學院」,後來做過私房菜,又到國內開西餐廳,回港辦過食物工場,做盤菜等,今次夥拍其它大廚好友開店。

自己車仔麵 自己做

坊間車仔麵店因為地方或人手有限,可以取貨的都取貨,而且是半製成品,醃好煮好,回店加熱,略煮就上枱。大埔<車王>店主Marco(游先生)因其個人背境,做私房菜出身,對食品本身要求高,開車仔麵店,想堅持「可以自己做的都自己做,唔好睇少車仔麵配料,做少一個步驟,個味就完全唔出」。

沙嗲醬、麻辣醬、咖喱醬、XO醬都是自己炒。
車仔麵配料盡量不取貨,做得講究,像蘿蔔,會刨得很深才拿來用,更甜更嫩。
共4款醬汁可揀,推介麻辣醬,麻香有層次,配撈麵好夾。

先說放在枱面,任加唔嬲的XO醬:「我們加了3種辣椒、蝦米及肥肉而調成,另外咖喱、沙嗲、麻辣也一樣」。Marco想麻辣醬「慢慢滲辣味出來,不會一開始就辣怕人」,所以他用了6種不同辣度,味道的辣椒調成,入口也真的麻味先行,辣味只是大配角,愈吃愈出。

相關文章

外賣app優惠著數比較!Deliveroo優惠碼+foodpanda優惠+UberEat+e肚仔

月餅2019大合集!邊款今年最抵最好食?

【中秋水果貼士】泰國柚子之外?想揀到靚文旦要記住呢3個貼士!

去雪味 不能懶

又如牛肚或大腸,絕大部份車仔麵店都是取急凍貨,「貨源相若,怎樣先去雪味,再令肉質入味就見功夫」Marco說。像牛肚,先做足汆水,洗乾淨,去筋,去膜,再以蔥、蒜、薑蒸煮醬汁,最後把兩者同爆,炒香,放涼抖抖,讓肉更入味,才算完成。

三餸麵 $38。豬大腸、蘿蔔、豬紅配韓式粉條。豬骨湯底味濃卻不膩,豬紅爽滑,豬大腸大大件,乾淨無異味。
三餸麵 $38。牛腩、客家黃炆腩肉、豬大腸配刀削麵。
配料落得足,大腸和牛腩各有3-4件。
湯底有牛骨及豬骨可揀,前者以牛筒骨,加蘿蔔、甘荀、大量大蔥熬12小時而成。
推介「客家黃炆腩肉」用薑黃粉炆煮五花腩,肥肉位好甘香,瘦肉位入味,略嫌不夠嫩。
三餸麵 $38。南乳豬手、蠔皇冬菇、柱侯牛腩配油麵。

$88花膠+鮑魚+魚肚 豪華撈麵

Marco認為車仔麵本是平民食物,價錢不能訂得太高,所以想出$38/3餸麵,全日供應。但另一方面他也想把私房菜心得放到店中,所以另有有齊花膠、鮑魚、魚肚,加雞翼滷蛋冬菇蘿蔔的豉油王炒麵,鮑魚用一罐8隻的南非鮑魚,冰島花膠,以鮑汁及豬骨湯煮成撈麵汁配炒麵,當然不及$38/3餸抵食,但份量認真不少,2人叫1碗,當個豪華宵夜也可。

麵條軟硬適中,麵量多。
豬手可以再腍一點,也不用普通花菇,用冬菇,更香更多肉。
車王撈 $88。全店最貴的麵食,有齊花膠、鮑魚、魚肚、雞翼、滷蛋、冬菇、蘿蔔及豉油王炒麵。
配料多過麵,細食一點的,其實可供2人分享。
揼本用鴨蛋,不用雞蛋,煮約3分半鐘至半流心。
(前)泡椒豬手 $30,(後)泡椒雞翼尖 $30。自煮白滷水,以花椒八角辣椒等煮成,入口帶酸辣清香,不太吃辣的都可以一試。

相關文章

【放題2019】最強放題推介5間!任食韓牛+無限Mövenpick/Häagen-Dazs雪糕

【自助餐推介2019】最強任食buffet 5間:任食生蠔+加拿大海膽+A4日本和牛

【旺角美食】人龍掃街小食店10間!韓國熱狗棒+芫荽腸粉+文青雞翼

車王車仔麵.飯.小食專門店

地址:大埔汀角路15號常安樓地下C號舖

電話:67631838

營業時間:星期一至日 上午11am – 凌晨12mn

【有好東西分享?】立即去Yahoo Food Facebook 專頁投稿/片