【同狗狗High Tea】酒店推人狗下午茶!狗狗食瑞典雪糕+狗曲奇

近年,港人愈來愈注重家中毛孩的生活質素,但係香港人寵共食並不容易,好多寵物犬都不可被帶進食肆範圍內,最近難得有酒店推出人寵下午茶,比狗主同毛孩一同享受下午茶,狗狗們可以一齊開心High Tea啦!講緊係一向都比客人帶埋寵物入住或於餐廳戶外座位用餐的香港美利酒店,酒店的半露天活動空間The Arches拱廊於8月24日推出人寵下午茶,狗狗食物有瑞典雪糕(牛肺、駝鹿及三文魚口味)及狗曲奇(牛油、蘋果及燕麥口味)等;至於狗主就有用上迷你法式奶油麵包配龍蝦醬製成的迷你熱狗、白桃乳酪忌廉杯、士多啤梨卷蛋等,實行人寵都有啖好食。價錢就比一般下午茶貴,兩個成人加一隻小狗要$998,而第三位客人為港幣$499。 

香港人寵共食並不容易,難得有酒店推出人寵下午茶,主人同毛孩一齊開心。

人寵下午茶只此一日,但只限10公斤以下之狗隻。

狗主可於場內認識更多寵物品牌,如Mr Organic的有機身體護理產品、Raw Rawr的凍乾生肉糧等。

寵寵愛寵下午茶

價錢: 港幣$998 (2 位成人及 1 隻小狗),第三位客人為港幣$499

日期: 2019 年 8 月 24 日(星期六)

時間: 下午 2 時至 4 時

地點: 香港美利酒店 1 樓 The Arches 拱廊


更多相關文章

【親子活動】海洋公園推兒童英語話劇班!表演環節+近距離觀察動物

【周末好去處】 本地3大藝術展 工作坊+中環夏誌+多感官互動展

飲酒都要睇時間? 酒鬼去這6個國家旅行要知的事


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!