即跟日本妹 食完唔怕肥的5種宵夜食物


減肥係女生的終生事業,好似平時進食低脂高纖食品,睡前幾小時就禁食,一星期至少做兩三次運動等。但無論大家生活幾有規律都好,有時心情唔好又或有壓力個陣,總係想偶然放縱下自己,食下宵夜或垃圾食物。事實上,宵夜絕對係致肥的元兇之一,如果唔想被呢次「偶然的放縱」,搞到內疚到訓唔著,不如學下日本妹進食呢5樣不易致肥的食品吧!

麵豉湯

麵豉湯易於消化又有果腹的效果,內裡的海帶、豆腐、蘿蔔等都屬於低卡路里食材,一碗約只有30kcal,但注意唔好太濃太咸,以免翌日水腫。

粉絲杯麵/ 蒟蒻杯麵

粉絲杯麵或蒟蒻杯麵的卡路里比一般杯麵為低,平均一個不足100kcal,加上購買同製作都非常方便,絕對係深夜醫肚之選。

豆渣曲奇

唔想食咸野的話,細細塊的曲奇餅都係不錯的選擇。嫌朱古力或焦糖味曲奇太肥,可選不使用麵粉的豆渣曲奇,減少糖份吸收,唔怕瞓唔著的話,可以配一杯無糖咖啡。

低脂乳酪

係人都知夜麻麻食雪糕會致肥,咁不如改食同樣凍冰冰的低脂乳酪,當然如果能選無糖就更好。

豆腐茶漬飯

茶漬飯是米飯同配料淋上高湯的日本料理,可以話係日式湯飯,雖然香港家庭好少烹調,但事實上茶漬飯易於製作,卡路里低,又易於消化,冬天更可暖身。

相片來源:www.pakutaso.com