【創意料理】澳洲餐廳大排長龍 個個為咗食啤酒拉麵?

創意料理好多人都聽過,不過通常都係只既定菜式上面改少少材料或者外型;不過好似澳洲墨爾本呢間名為Zero Mode嘅餐廳,創作力量同幻想,真係會嚇你一跳!Zero Mode近日推出一款啤酒拉麵,喺啤酒杯入面放拉麵;大家幻想一下都會問:「下,咁難食點會有人食呀?」原來呢個創意菜式並非真係用啤酒做湯底,只係用啤酒杯,而入面係人參雞湯,而啲「啤酒泡」只係蛋白打成,望落無論質地同顏色都同啤酒無分別。呢一杯嘅啤酒拉麵,就要成23澳幣(港幣$125 ),絕對唔平,不過每日都大排長龍,大家都似乎好想要一杯嚟影相呃Like。另外仲有一款經典菜式,就係三文魚甜筒!於甜筒入面雪糕,上面再放上三文魚,上面再舖上魚子醬,係咪好令人腦洞全開呢?難怪呢間Zero Mode開業以嚟,日日爆滿,據講要提前1個月訂位先有機會食到呢!

啤酒拉麵造型似到十足,幾可亂真!

另外一個主打菜式就係三文魚甜筒。

Zero Mode賣嘅全部係創意特式菜式。


相關文章:

飛機緊急出事點算好-3個逃生小tips你要知

多圖-網紅遊巴黎-遊走文藝景點-樣多打卡位

國際貓日玩貓美術館-大萌貓現身貓迷一起拍


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!