【元朗美食】尖沙咀百利來重開!掃街小食名物:足料碗仔翅+煎釀三寶

【元朗美食】尖沙咀百利來重開!掃街小食名物:足料碗仔翅+煎釀三寶

煎釀三寶看似簡單易做,油要滾,料要新鮮,邊個唔識講?但千百家店,就是有千百種味道,水準有高有低。自少已在爸爸經營的炸物店幫手,大大話話做了炸物20年的Raymond當然清楚箇中要訣:「譬如三寶,邊樣最先落油,邊樣最後落,其實都會影響口感,味道。」

【立即讚好】全新 Yahoo Food Facebook 專頁

在尖沙咀百利商場旁的巷仔經營了20多年,後搬到元朗,靠多元化小食及出品有心機,在元朗街坊群中建立口碑。

尖沙咀做起 廿年如一煎釀三寶

Raymond的店並非等閒,名叫「百利來」,老饕或者聽過,廿年前已經在尖沙咀薄有名氣,因為開於百利商場旁而得名,是附近小店及上班族的醫肚熱點,當時主理人是Raymond爸爸。「舖頭開始時已經有做煎釀三寶、碗仔翅及炸丸類等,因為附近多office,也有做飽肚的飯麵,後來就集中做小食,menu其實同而家差不多。」Raymond說。他細細個幫爸爸手,長大後爸爸退居幕後,舖頭就搬到元朗,店舖幕前的大小工作,就由Raymond和媽媽「阿靚」擔起。

老闆Raymond 今年34歲,細細個已經在爸爸打理的尖沙咀小食店幫手,對碗仔翅,炸物等都很在行,現時小店由他及媽媽主力打理。
不定時推出新款式,所以牆上不少menu都是手寫,像最近就有炸餃子及煙鴨胸,Raymond說有不少更完全不在menu上,想食就最好問問先。
不馬虎,炸油日日換。

碗仔翅 用真雞湯

因為種種瑣碎問題,店舖搬到元朗3年多,舖位已換了2次,如今的,是第3間。每次搬舖,不少元朗友都不厭其煩,到網上打聽店舖新址,得知新址後又會留言「花膠翅返來囉」、「依舊好味」、「好足料」等。如此得街坊歡心,因為這裡真的做到平靚正。首先店面雖小,小食卻有三十多款,當中不少很有特色的,像招牌花膠翅,絕非一般如生粉芡一樣的碗仔翅可比,雞湯底用雞殼及雞髀肉熬3小時而成,每碗保持有3至4塊細花膠,翅面又會放少量素翅,其實不加醋都已經好足味,Raymond建議加少少胡椒粉提味即可。

賣$25/碗的花膠翅用的是真雞湯,以雞殼及雞髀肉熬3小時而成,再加冬菇絲及雞絲。
上枱前再加素翅,粗身彈牙。
足料花膠雞湯翅 $25/碗。想試其真材實料,建議先不要加醋,加少少胡椒粉就可以了。
每碗平均有3至4件細花膠,size不小。
懷舊粉仔 $20/碗。粉仔不是自己做,稍稍腍身,自炒的菜甫卻十分惹味!加了大量魚仔乾及蝦米,全部都好大粒,愈食愈見辣勁。

招牌三寶 洋蔥做碟裝豉油

又如街坊最愛拿來加餸的「炸三寶」,上枱已見心思,裝盛豉油及辣菜脯的不是碟仔,是一整塊完整的洋蔥。「唔只得個樣,咁會特別香」Raymond媽媽補充。抵讚位還有價錢,炸三寶5件仍然賣$25,「加價要先過爸爸嗰一關」Raymond笑說,抵食又有心機,難怪如此深得街坊歡心。

百利炸三寶 $25/份(5件)。有魚肉雲吞、茄子及青椒。
即叫即炸,不油膩,外層炸得香脆乾身,入口卻juicy。
自製辣菜脯,加了大量魚仔及蝦米,香辣有層次。
泰汁炸雲吞 $20/份(5件)。以新鮮鯪魚肉包成,心機位是灑了少少洋蔥碎,去膩之餘,與酸辣泰汁好夾。
薯角不是加粉,用現成薯仔批成,夠健康。
伴碟的沙律薄也調過味,加了薄荷、煉奶及蘿蔔,比現成沙律醬清香。
炸薯角 $20。連薯皮炸,外層脆口帶濃濃薯香。
蒜香炸豆腐 $20。豆腐嫩滑,配大量炸蒜。
自製飲品 $17/枝。最特別是「咸桔仔」,以自已浸的鹹桔仔加薑沖成,食完炸物最好拿來解渴。

百利來美食

地址:元朗鳳攸南街3號好順景大廈地下44號舖

電話:93802029

營業時間:4pm – 1am

【有好東西分享?】立即去Yahoo Food Facebook 專頁投稿/片