【三文魚有蟲】邊有嘢阻止到香港人食日本嘢!

三文魚刺身或壽司一直都係香港人最愛日本食物之一,鍾意程度完全係超越埋日本人(畢竟日本人普遍唔喜歡食生嘅三文魚)。今日消委會就公佈咗幾間香港嘅日本餐廳,話當中嘅三文魚刺生樣本唔合格,有蟲咁話,有唔少仲要喺連鎖式嘅分店,真係好得人驚!正當大家都覺得香港人會驚嘅時候,我哋又發揮大無畏精神,就係一轉眼就唔記得,繼續食!

香港人一向畀人印象係點呢?就係只要有得食有得玩,咩天災人禍都未驚過。例子多不勝數,尤其去旅行時更加「風雨不改」,照去軍事政變嘅泰國、去地震過後嘅日本、去火山爆發過後嘅尼泊爾、去爆發傳染病疫情嘅非洲。總之,一日個團/機票無取消,一日都要繼續去,The Trip Must Go On!

講到食,聞以食為天嘅香港人就更加無畏無懼,任憑只係消委員呢啲無約束力嘅公營機構講幾句,可以話係零阻嚇力。驚,可能就係驚一星期,下星期就繼續排長龍!唔信?你問下身邊位朋友,下星期究竟仲有無人記得啦!

相關文章:

消委會:「元気」吞拿魚「魚尚」三文魚驗出有線蟲

消委會檢測連鎖店三文魚吞拿魚刺身 元氣吞拿魚含寄生蟲及卵

消委會:三文魚吞拿魚刺身驗出線蟲 取自荃灣「魚尚」太古「元気」