【馬鞍山美食】街坊義工開湯水舖 老闆:「放咗工想搵啖靚湯飲都冇」

香港人一年四季無湯不行,偏偏市面上湯水舖並不多,真材實料非味精湯就更少,「無飯一族」放工想飲碗靚湯,好像比迫巴士返工更難。有此感受的不只你和我,馬鞍山新湯水店<我地>的老闆兼街坊Marco說:「附近街市都收得好早,六點幾已經準備收舖,材料已經賣得七七八八,打工仔放工都接近七點,仲點買餸煲湯?」

本職會計師的他全無餐飲經驗,膽粗粗兼做飲食賣湯水,也不全是為了做生意賺錢。原來小店是由他和一班義工朋友夾份開設:「我哋喺馬鞍山做義工而認識,有時相約傾計,或者做完義工活動,想回家前飲碗湯水,除了連鎖店以外就找不到地方,於是就開始有了這想法。」剛好義工團隊中有廚藝了得的全職媽媽Oreo,於是一鼓作氣,夾份開舖。

【立即讚好】全新 Yahoo Food Facebook 專頁

湯水店 <我地 >店主 Marco身為美食沙漠馬鞍山街坊多年,深明「放咗工,想搵啖靚湯飲都冇」之苦,於是連同幾位義工朋友,一起開舖主打定庭 feel湯水。
暫時每日提供三款湯水,天天轉換。
店主之一的Parco三十歲,自細開始做義工,自言開湯水店是第一步,之後會陸續找慈善團體合作,例如義教煲湯水,或免費提供湯水予慈善團體。
店中的飲食大小事都由本是全職媽媽的 Oreo把關,她每日一早就到附近的街市入貨,店中的燒賣水餃都由她一手包辦。

幾位老闆的老本行都不是飲食業,看似是門外漢拉雜成軍,但做起飲食上來卻絕不馬虎。先說最受熟客歡迎的燒賣,不用現成貨,全部由Oreo每日密密手包製,每次只包少量,即叫即蒸,賣完再有order時再包:「碰巧沽清就要立刻即包即蒸,有時四粒都要等二十多分鐘,幸好客人都明白。」Oreo邊說邊把杞子及元貝絲放在剛剛搓好的燒賣上,準備入蒸鍋。

馬蹄切粗粒,配梅頭肉,冬菇,全部手搓而成,用足靚料, $20/4粒不算貴。
人手包的燒賣絕非街邊叫貨可比,入口不是一團粉,而是粒粒有咬口,帶肉香。
每粒都加上杞子及元貝絲。
68分鐘完成,出爐一刻粒粒都漲卜卜,極之吸引。
元貝燒賣 $20/4粒。

招牌湯水則每日三款,望望價錢,$78/碗絕不便宜!Parco解說:「起初試過煲家常湯水,用平價食材如蘿蔔蕃茄、瘦肉豬骨、蘋果粟米等,標價低,但反應不理想。我們於是轉煲一般家庭不常飲的如花膠、鮑魚、姬松茸、螺頭等矜貴而難煲的湯水,反而很受街坊歡迎。因為食材成本高,標價就自然較高。」像採訪日的「花膠花菇烏雞湯」,每煲用上一隻半烏雞,花膠則又用三十頭大的,厚肉重膠質,每碗都有兩大塊花膠,足料好味。湯水亦會按時令轉換,早排天氣潮濕,就有「佛手瓜馬蹄鮮准山」幫助去濕。現時客人仍然是以街坊為主,Parco說最開心是見到有公公婆婆來幫襯:「公公婆婆仔女外出搵食,未必一齊住,佢哋自己一個人唔會煲太繁複的湯水,於是就得閒落嚟飲。」

order前可試飲,試啱先俾錢。
花膠花菇烏雞湯 $78/碗。標價絕對不便宜,但只要在燉煲內撈一撈就知好足料,每鍋用了 1215塊花膠,配貴價花菇及一隻半烏雞,熬 34小時而成。
如果拿來煲湯,專家多數建議用三十頭以下的,但小店現時用的就是三十頭花膠,好揼本。
花膠花菇烏雞湯 $78/碗。賣得貴,所以 size也比其它湯水舖大,如果連湯料 (花膠、雞 )同吃,這裡接近一餐份量。
花膠重膠質,香而黏口。
湯水清而不濁,不油膩,滑下喉嚨後口腔有餘韻。
鱷魚肉川貝海底椰湯 $78/碗。每晚放工時間都有不少人 take away回家飲,不過外賣杯就限制了材料份量,堂食似乎更足料。
湯水會按時令轉換,像採訪當日,天氣陰冷有雨就有「佛手瓜馬蹄鮮准山湯」。
佛手瓜馬蹄鮮准山湯 $42/碗。馬蹄清熱潤肺,鮮淮山補陰生津,好啱最近反覆天氣飲。
阿媽水餃 $38/8隻。簡單以韭菜,豬肉冬菇為餡,特別在餡料不會剁得太碎,留有咬口。
大大隻,入口清甜不會太鹹,好有家庭 feel
藥膳雞腳 $20/4隻。以川芎、白芷、當歸、天麻及瘦肉等熬好湯底,再加雞腳同煮 1小時,隻隻爽嫩帶藥材香。
滷水蛋 $5/隻、滷水雞翼 $7/隻。滷水香甜不濁,如果滷水蛋再嫩一點就更好。

All Day我地

地址:馬鞍山鞍駿街49號福安花園商場地下50號舖

電話:59116754

【有好東西分享?】立即去Yahoo Food Facebook 專頁投稿/片