觀塘重建,裕民坊清拆,商戶遷出,人去樓空,連一窩蜂懷舊打卡的人潮都已散去,留下來的人呢?生活還是繼續,兩餐依然勞碌。在今時今日已經不再是觀塘核心的崇仁街(近瑞和街街市),守了44年的上海菜館<上海榮華川菜館>老闆娘「阿姐」不無唏噓:「以前呢幾條街好旺架!好似深水埗同旺角一樣!唔係而家咁小貓三四隻,就快連街市都無人幫襯。」
【立即讚好】全新 Yahoo Food Facebook 專頁




阿姐是僅有的觀塘老街坊,她就住在菜館樓上:「觀塘街坊走得都走哂喇,以前分得清清楚楚,上海人就上海人、福建就福建、潮州就潮州,亂中有序。而家真係咩人都有,講國語,講不同鄉下話的,印度人,南亞裔都有,但人人都只係住暫住劏房,無街坊那種歸屬感。」
菜館在1975年由她現已仙遊的丈夫楊先生所創,當年楊先生接手菜館,大手改革,不想受制於老師傅,於是他把煮食流程系統化。「醬汁、調味、材料、份量,連火喉都寫得一清二楚,煮每道菜,落幾多匙醋,幾多匙辣油,全部跟數字,唔單靠大廚味覺。」阿姐說,食物出品穩定,加上那年代的觀塘,未有商場,未有重建,附近有幾間大銀行,金行及商舖,加上觀塘及秀茂坪街坊,「生意好到不得了,全日無停手。」阿姐說畢,現任菜館掌舵人,大仔Victor即刻補充:「點會諗到重建後,觀塘會變得咁緊要?」




大仔Victor,三十出頭,現時全力擔起大廚一職,一頭金髮的他是個乖乖仔,自少就常到店舖幫手,細細個已經和阿姐(他媽媽)幫手做樓面,見盡人情冷暖:「以前幫襯嘅真係街坊,啲客好好,熟客就閒話家常,生客都好有禮貌。而家?我哋近幾年成日俾人問有無乾炒牛河,菠蘿包呀,又試過俾人彈地方簡陋,因為我哋曾經被米芝蓮推介過,佢哋以為菜館係高級食府……我哋已經多年無加價,以前好少人話我哋貴,而家物價高漲,反而有人話貴。」言語間流露失望灰心之意,Victor也坦言菜館近年已無營利:「守落去真係因為好唔捨得,始終是家人心血。但現實就是現實,我都唔敢講幾時會唔做。」




灰心不等如馬虎,廚房現時由Victor及弟弟負責,食譜、食材、煮法、調味都跟足爸爸教導,就如普通一碗「擔擔麵」也與別不同,會加荔枝醋,而花生醬,麻醬都是自己炒;熟客皆愛的「獅子頭」,肯花時間慢慢炆煮,令肉身鬆而嫩;「回鍋肉」也會先高溫炸再用低溫浸煮;而新客愛的「八寶茶」則是Victor主意,以龍眼、蓮子芯、菊花、紅棗、杞子、乾橙皮及胖大海沖成,吃完一餐濃油赤醬的上海菜,最好拿來清膩。
菜館已多年無起價,埋單每人百幾蚊已經吃得飽飽,你說是否頂級出品?當然不是,而且地方也的確不及商場餐廳舒適,但我說總比觀塘高度單一化,人人搵食都被迫走進商場好得多,這觀塘,才是香港人熟悉的觀塘。














上海榮華川菜館
地址: 觀塘崇仁街15號
電話:23410583
【有好東西分享?】立即去Yahoo Food Facebook 專頁投稿/片