【荃灣美食】記者實試!平絕荃灣$15魚香茄子飯+$25豉油皇雞髀飯

荃灣不只是高質米線集中地,小食一樣各據山頭,各有擁躉。位於荃豐中心的<大家姐>一向都是街坊「醫口痕」勝地,招牌生菜魚肉,碗仔翅,「兩溝」更是每枱必叫,很受歡迎。不過早排路經小店,發現餐枱上多了個生面孔:魚香茄子飯,還要只是$15/碗!

*試食評語以記者親身進餐經驗而得出

 【立即讚好】全新 Yahoo Food Facebook 專頁

店位於荃豐中心電梯,商場入口正門,人流好旺,以魚肉碗仔翅最受歡迎。
魚香茄子飯分了 3 size $15/ ( ) 即是「針量級」、 $20/ ( ) $25/ ( )

記者於周六下午到訪,目測魚香茄子飯的order不算十分多,但也間中就有客落單,客人都是「一支公」來醫肚。問過店員,原來魚香茄子飯分了3個份量:$15/細、$20/中、$25/大。

魚香茄子已做好,像車仔麵一樣放於食物格中。
order 時店員先盛飯再加茄子,幾下手腳完成。
魚香茄子飯 ( 針量級 ) $15 。整碗份量不多,十啖左右就食完,不過茄子尚算足料,整整兩個大湯匙的份量。

魚香茄子飯以自作形式購買,在食物counter落單,俾錢,因為茄子是預先做好的,等1分鐘已經可以上碗取食物。先看外表,$15/碗的針量級比想像中小,只是正常碗仔翅的紙碗,但茄子都算足料,完全遮蓋白飯。湊近聞聞都幾有辣勁,茄子煮得不過火,不太腍身,味道偏鹹,頗入味,醬汁算濃稠,滲進白飯中更香口好吃,整體而言,$15/碗雖然便宜,但絕非飽肚之選,不過就很適合拿來過下「飯癮」,幾分鐘吞掉一碗,十元八塊,滿足了。

茄子份量不少,軟硬適中,偏鹹不過尚可接受,味道略嫌單調。
茄子多汁,香辣汁滲進飯中好惹味。
豉油皇雞髀飯 $25 。同場也見有部份客人叫了這款飯,豉油汁鹹甜平衡得不錯,不過雞髀稍嚡,皮也可以再滑一點。

大家姐小食店
地址:荃灣青山道144-172號荃豐中心1
電話:從缺

【有好東西分享?】立即去Yahoo Food Facebook 專頁投稿/片