【灣仔日本菜】居酒屋最平$20一道菜!$60食到迷你海膽山

灣仔銅鑼灣是日本菜重鎮,平食貴食任君選擇,當你花多眼亂唔知點揀好?當然是「budget先決」,邊間抵食就試邊間。說到抵食,不得不提最近空降灣仔的< 246食堂>,全店食物劃一分為$20$40$60,最平百幾蚊一位就食到高質日菜,捧著肚出門口。

【立即讚好】全新 Yahoo Food Facebook 專頁

一列吧枱位置好搶手,感覺像 sushi bar,可以欣賞到師傅手藝。
餐廳所有 item分為 $20$40$60,款式包括壽司 /刺身 /卷物 /天婦羅 /燒物 //沙律 /料理連鍋物都有,多得誇張。
最抵食:海膽富士山 $60(每日限 50)。每碟用上 40克,近半板韓國馬糞海膽,海膽質素高,不會太水,味濃鮮甜,好想 encore
抵食之二:黑鮪大拖羅刺身 $60。街外價過動輒過百元一件,用的黑鮪 (吞拿魚 )由豐洲直送,原條逾 70kg重,一咬滿口油脂香。
抵食之三:赤牡丹蝦壽司 $40。同樣是比街外平,蝦肉冰涼爽彈,非常鮮甜。

價錢平,原來餐廳同屬於「豊洲水産」集團旗下,有相熟供應商,所以7成食材都由日本直送,質素有保證。打開餐牌,選擇過百款,壽司/刺身/卷物/天婦羅/燒物/鍋物都有,冷食熱食都齊,好啱情侶拍拖飯局。必食的有每日限量50份的「海膽富士山」($60),脆卜卜紫菜配半板韓國馬糞海膽,顏色金金黃黃,入口綿滑香甜,其餘出名矜貴的食材像牡丹蝦、大拖羅、甘魚魚鮫、三文魚子都是$40/份,最誇張的是「和牛壽喜燒鍋」($60),每鍋有3大塊,共30克的鹿兒島A4和牛,配冬菇及蔬菜,細食的話其實一鍋就夠飽。

大三元壽司 $60。鋪上黑鮪赤身、腹身及蔥花魚腩蓉,一啖吃到油脂香及肉感,比妨間壽司店平約一半。
三文魚子軍艦 $40。每件有 30克鹹鮮帶香的三文魚子,好足料。
特大海鰻壽司 $40。海鰻以蒲燒方法炮製,鰻魚不算太肥厚肉但非常香口,每條足 20cm長,無投訴了。
燒油甘魚魚鮫 $40。每條魚只得 2份的魚鮫,肉質特別嫩滑,皮燒至滲出油香,份量比想像中大份,抵食。
宮崎產燒腸 $20。香腸來自宮崎,皮脆惹味,入口還可以吃到少少軟骨,口感豐富。
和牛壽喜燒鍋 $60。餐廳共有 3款鍋物可選,最抵食要數這款,每鍋用上 30克的鹿兒島 A4和牛,配微甜的湯汁已經很好吃。
明太子蛋卷 $40。蛋層好厚!一口吃到蛋香及鹹香的明太子。
炸蝦天婦羅 $40。炸蝦足 20cm長,炸漿薄而不油,炸蝦乾爽香脆。
和風豚肉燒餅 $40。上碟 3熱辣辣,燒餅鬆香不死實。

值得一提的是這裡的清酒可以每「杯」order,同樣分了$20$40$60三個等級,由普通清酒至純米大吟釀都有。小酌幾杯,埋單幾十元,荷包腸胃都大滿足。

清酒可以一杯杯 order,同樣分成 $20/杯, $40/杯及 $60/杯,不過現階段未有供應,想飲就要耐心等候了。
共餘飲品一律 $20(除了 Suntory啤酒 $40/),以梅酒最抵飲。

INFO

246食堂

地址:灣仔謝斐道415-421號積福大廈地舖B

電話:2808 0292

*每人最低消費$100,設加一服務費

*開業日期:39

【有好東西分享?】立即去Yahoo Food Facebook 專頁投稿/片