【新年小知識】全盒格數點解一定係單數?

首先講下全盒個全字,原來本字是咁寫的:攢(音全或盞),是湊合、積聚的意思。「攢盒」起源於南北朝時期,流行於明清年代。講下講下,後來因為「全」字與「攢」字,又以全字易寫啲,且與攢字其中一個讀音相同,又有十全十美嘅意思,幾好意頭,於是咪變咗做「全盒」囉。而過咗咁多個新年,你又有無發現全盒格數一定係單數嘅呢?古有「三子盤」、「五子盤」甚至「九子盤」的全盒,盡是單數,因中國傳統相信雙數(偶數)屬陰,意頭唔好;而單數(奇數)屬陽,為吉利之數。而全盒格數越多越富貴,又因九為奇數最大者,故九子盤成為皇室貴族專用。咁今年全盒你識揀啦!

右邊嗰個字你識唔識讀?

記者:曾冠輝
攝影:梁志永