【天后美食】90後母女檔開湯水舖!零味精養顏湯品專攻OL

「美女+湯水」這配搭,聽上去已經好warm,那如果是「母女檔 + 湯水」?炮台山這間蚊型小店,由90後少女Ciara和媽媽兩個人四隻手全天候打理。雖然是間只得10個座位的湯品小店,開業又未夠一年,卻已經是附近OL們的滋補飯堂。

 【立即讚好】全新 Yahoo Food Facebook 專頁

今年24歲的Ciara和媽媽都沒有任何餐飲業背境,母一份女一份出錢集資開舖,背後故事也非常簡單。畢業後曾經在澳洲以working holiday形式生活了近一年的她說:「去到外國總有homesick(思鄉)的時候,會掛住媽咪屋企煲的湯水,特別是在外地,很難找到好飲的湯水舖,就煮性自己買料自己煲。」及後Ciara回港開始了一年多的office生涯,她也發現就算是office集中地如灣仔金鐘等,「原來好飲湯水舖好難搵」,自言一直有店主夢的她,就找來姐姐及媽媽合資6位數字開舖。

名副其實小店, 2個人身位闊的門口,行快兩步都會錯過。
客人近 7成都是熟客,有傾有講,也會寫上真心評語,甚至會提議湯水款式。
開了接近一年,以附近的 OL上班族最受落,門口 menu為此特地寫上湯水的功效。
90Ciara年紀輕輕,以自身曾是 OL的經驗出發開設家庭 feel湯水舖,成功吸到不少女客人。

母女二人在開舖前已是廚房常客,絕非門外漢,Ciara說:「媽咪真係煲返平時屋企煲的湯水,只不過更足料。」所以這裡的湯水寫到明無味精,又以大路款式為主,每日提供2款選擇:皮蛋芫荽魚片湯、蕃茄薯仔肉片、蕃茄魚湯、紅棗淮山椰子雞湯、粉葛鯪魚赤小豆扁豆豬腱湯等,最花功夫的算是蟲草花淮杞煲水鴨、杏汁煲豬肺。湯品賣得便宜,最平的$28/碗,最貴的$48/碗,已經飲到「響螺頭杞子龍眼肉煲雞」較貴價的食材。

也沒有將貨就價,湯料落到足,像「蟲草花淮杞煲水鴨」,冰鮮水鴨一朝早購自最近的街市;蟲草花只揀飽滿的;豬腱每煲落68件;西洋菜湯下大量西洋菜,熬足1小時連湯水都煲至微微綠色,不過要數最受OL受落的還是……「阿媽自己食得好健康,平時都好怕油淋淋的湯水,我們所有入湯的肉類都會去肥,雞會全部去皮,水鴨去皮,豬肉及雞肉會剪走所有肥油位,因為女士最不想見到湯面那層油。」湯品以外,想飽肚,餐牌也有2款定食,同樣走家庭風,不賣花巧。像採訪日就有「和風雞肉親子丼」和「蓮藕荷蘭豆鯪魚肉配飯」,全部少油少鹽,愛大魚大肉或重口味的可能會失望,但想吃得健康或者keep fit中的你,這裡是個不錯的選擇。

現時湯水每日 2款,家庭款式為主,有時也有特別一點的如「天冬麥冬白芍煲蜜棗」,能滋潤去咳,去肺燥。
蟲草花淮杞煲水鴨湯 $45/碗。有補氣血、健脾補五臟,改善食慾不振之效。
入湯的水鴨已經去皮,豬腱又剪去肥膏,就算煲了 3小時,出來的湯頭都清澈少油,鮮甜不膩。
皮蛋芫荽魚片湯 $28(加糙米飯另加 $8)。一飯一湯 $36,想食得清清地又健康,非常不錯。
「魚湯」是小店王牌之一,鯇魚每日朝早由 Ciara媽媽從街市買回店,碗碗都有魚件,肉滑帶鮮。
西洋菜生魚煲豬腱 $45。西洋菜份量超多!煲 1小時令湯汁呈淺綠色,就是火喉的證明。
腐竹雞蛋糖水 $26。外表平平無奇,心機都在不顯眼的細位,像銀杏會挑去芯,不會苦澀,薏米也落得特別多,好足料。
韭菜豬肉餃 $32/6隻。
餃子自己包製,豬肉多瘦少肥,味道也偏涌淡,建議蘸少少醋提味。
「和風雞肉親子丼 」每碟用上 2隻半蛋,洋蔥絲粗切,炒完都保持爽身。
和風雞肉親子丼 $52。蛋炒得滑,雞肉偏清淡,夠健康。
蓮藕荷蘭豆鯪魚肉配飯 $45。小店每曰款飽肚定食都很有家庭 feel
家庭式經營,只在繁忙時間請了兼職幫手。每到 lunch timeCiara和媽媽就進進出出廚房,落單、煮餸、傳菜、收銀二人夾手夾腳搞掂。

Soup Espress天后靚湯

地址:天后蜆殼街6-16號寶榮大廈地下D1

電話:3618 7748

Whatsapp6067 2668

 【有好東西分享?】立即去Yahoo Food Facebook 專頁投稿/片