【元朗美食】炒飯車仔檔開到入舖!椒鹽豬扒飯逐盒即叫即炒

常識題:你是大廚,你面前有5張單,3張是椒鹽豬扒飯,你會一次過炒,分開3份上碟慳時間,還是分開3次炒,再各自上碟?元朗<軟飯王>老闆兼大廚阿洛就選擇後者:「炒飯,炒河粉,甚至烏冬,想要燶邊,乾身唔油膩,就一定要分開炒,功夫無得慳。」

【立即讚好】全新 Yahoo Food Facebook 專頁

小店主力晚市外賣,店面小,無座位,繁忙時間油煙多,地點也不算易找,但熟客還是晚晚準時幫襯,網上口碑不斷,不少街坊打卡推介,人人為的,就是他的招牌菜,$45一盒的椒鹽豬扒飯。被街坊力讚,阿洛卻說:「唔難做,其實個個大廚都識做,問題只係,佢哋肯唔肯咁做。」

看到店名寫”Oyster” (生蠔)別以為找錯地方,內裡其實是幾檔外賣小吃,不是生蠔餐廳。
蚊型檔位,餐牌簡單,6樣餸,2個汁,配河粉,烏冬或飯,另設1個小食。
店主阿洛十來歲學廚打工,各大連鎖中菜館都做過。對炒物要求甚高,做到手腕勞損都堅持用自己一套方法炒飯,不吝嗇心機時間。
椒鹽豬扒飯 $45/盒。炒飯黃金,粒粒分明,被蛋汁包著,乾身不油膩。

不肯,因為功夫實在累人:燒熱鑊,先炸豬扒,再炒飯,再加蛋漿。「飯一定要比蛋先炒,吸少少鑊面的油,加蛋漿後就要夠快手,左右快兜,因為這時鑊面少油,蛋漿好容易黐鑊,唔快手就會燶。」見他三扒兩撥,4分鐘炒起一盒飯,全程無停手,又拋鑊,又倒油,把飯兜起又灑回鑊中,來回十幾次,為的都是炒到心目中的靚炒飯:「飯要乾身香口,飯粒燶邊就最好食。」

說是電爐,不及明火,但一樣有炒得有火氣有鑊氣。
椒鹽豬扒飯,豬扒切得細塊,會先醃30分鐘再炸,阿洛說醃料中有秘密不能透露。
先炒飯,再加蛋,閃電手爆炒,以免蛋漿黐鑊。
捨得用靚料,用成本貴1倍的湖北蛋,包著飯粒,粒粒金黃。
4分鐘起到貨,入盒時還熱辣辣。
炒飯透熱,粒粒分明挺身,不會油淋淋,不會太濕,單單這幾點,已經比街外很多茶餐廳優勝。
豬扒最後炸,炸好即入盒。
豬扒軟腍惹味,椒鹽份量下得剛好,不會太重手。
阿洛說飯粒要接觸到高熱的鑊才有燶邊,如果幾個飯一齊炒,難控制,一來不夠乾身,二來也炒不出燶邊。

不只對炒飯要求高,明明反應很好的乾炒牛河,現時每晚只做7份,預留給熟客。阿洛說因為他用的是電爐:「電爐供熱不平均,鑊中有一位置總是受熱較少,而河粉本身易燶,我每次炒,跌少少入個位,再炒,又跌少少,其實很影響整個炒河,我炒時只可以盡力就一就,所以唔想做得多,仲會炒都只係為熟客。」還有熱賣小食「辣爆豬柳」,辣椒要先炒過,炒時加入紹興酒提味,豬柳炒得條條爽彈有辣勁。

每晚只供應7份炒河粉,因為阿洛認為電爐炒河粉效果不太理想,會炒都是為了滿足熟客。
炒河和炒飯一樣,香而不油,河粉卻條條分明,沒有黏成一團。
乾炒牛河 $45。牛肉足料,每盒都有7至8塊。
每日由最近大橋街街市買回來的鮮牛冧肉切片,筋少,彈牙。

要求高,又有自己一套,31歲的阿洛並非出身名牌飯堂或星級食府。他是典型紅褲子,十幾歲入行,做匀各大連鎖中菜館,後來一次機遇,朋友介紹之下於朗屏夜市開車仔檔,本來只貪其成本低,想一試身手,怎料開業2個月後反應甚好:「我哋8點開檔,7點半就有客來等。生意最忙時,熟客為炒飯,等1個鐘都等。」現時全力協助老公的老婆阿寶說。再後來輾轉入舖,阿洛一通電話,識途的熟客又來趕來幫襯,難怪在網上找找評語,都見到街坊盛讚的,除了炒飯炒河,就是「老闆同老闆娘好好人!」

豬柳比豬扒多肥。
加紹興酒前阿洛會先閉氣,因為辛辣味十分刺鼻。
辣爆豬柳 $35。辣椒量其實不算十分多,但經自己炒過,也由紹興酒帶出味,入口即時有股辣勁搶出,好刺激!
炒烏冬的瑞士汁也由自己調製,微甜少鹹。
瑞士汁豬柳炒烏冬 $45。熱辣辣,烏冬煙韌有咬口又不油膩,甚有水準。
由朗屏車仔檔開到入舖,熟客愈儲愈多。

軟飯王

地址: 元朗大陂頭徑福星樓地下元朗豐樂里6號

電話:從缺

營業時間:6pm – 1am (會不定時放假,需留意餐廳facebook公佈)

【有好東西分享?】立即去Yahoo Food Facebook 專頁投稿/片