【九龍灣美食】走鬼車仔麵檔復活入舖!70歲老闆三代同堂

「我哋係走鬼檔,連店名都無,車仔檔架車仔都係我一手一腳砌成,因為檔口開在秀茂坪邨35座旁邊,街坊就叫我哋35座車仔麵。」老闆馬先生說。

網上爆紅的10 years Challenge(十年挑戰)熱潮曇花一現又火速沒落,十年人事已經幾番新,挑戰滿途,更何況是二十年?來到九龍灣「35座車仔麵」,見到年屆七十高齡的馬先生,三代同堂,二女落單,細女收銀,孫女傳菜,細仔和女婿在廚房揮汗如雨。這幀人物風景,背後原來是個活生生的10 years Challenge

這「十年挑戰」,由1976年開始,馬先生一家住在舊秀茂坪邨,和太太兩個人揹起一頭家,開車仔麵檔也是取其入門成本低。「我哋係走鬼檔,連店名都無,車仔檔架車仔都係我一手一腳砌成,因為檔口開在秀茂坪邨35座旁邊,街坊就叫我哋35座車仔麵。」馬先生說。

【立即讚好】全新 Yahoo Food Facebook 專頁

那些年,車仔麵是真正窮人恩物,最緊要飽肚,廿蚊三餸,不求精緻,只求貨真價實:「舊時車仔麵邊有而家咁講究?湯底主要靠味精,配料亦唔會分開煮,牛腩牛肚牛筋等只會一大煲一齊煮,環境都比而家差,街邊放幾張枱,幾張櫈就係檔口。」雖說是走鬼檔,但也做了17年之久,成為了秀茂坪其中一個街坊飯堂,也養大了馬家四姐弟。直至後來舊秀茂坪邨要遷拆,馬生馬太年紀漸大,仔女也各有住家,別無選擇,車仔麵檔唯有提早收爐。

1970年代開在舊秀茂坪邨的車仔麵走鬼檔,廿年過去,兜兜轉轉,幾個月前再戰九龍灣。
一檔麵養大一家四姐弟, (右二 )馬先生及 (右一 )馬太太今日三代同堂,孫仔孫女閒時都會來店幫手,是小店獨有的溫情。
當年的車仔麵檔沒有名號,因為開在秀茂坪邨 35座前,街坊就直接叫成「 35座車仔麵」。 (相片由受訪者提供 )
馬先生說當年的車仔麵餸款式少,也不會「剔紙仔」,食客一定要親身在檔口前揀餸,睇啱至揀。
舊車仔麵檔在秀茂坪邨共開了 17年之久,是那一代街坊的共同回憶。
廿年後再開店,選址九龍灣,店面整齊企理,裝潢上用了不少懷舊元素。
舊時影相機會難得,照片矜貴,現時店內牆上的舊照片都要四出搜挖回來,有些從網上,有些從街坊朋友處找來。
蘿蔔、豬手、牛筋、牛腩、大腸,餐牌是新的,內容卻都是傳統車仔麵店的食物。

麵檔暫時收爐,但挑戰原來未完:「其實我哋幾姐弟一直想重開爸爸媽媽的車仔麵檔,直到近年大家環境穩定了,儲夠彈藥,搵啱舖位就開舖。」二女阿玲說。她細細個已經在檔口幫手,對車仔麵餸非常熟悉,現時店內食材都由她每朝早在牛頭角街市入貨,「魷魚要爽彈就唔可以一早整定,每次只做一小批,約十份,賣哂再煮。」湯底無味精,用大量豬筒骨熬入味;雞翼尖加了黃薑粉,煮至一咬肉骨分開才算合格;牛腩用牛坑腩,會以自製醬汁炒過再烚;豬紅浸足一日先夠爽;簡單如蘿蔔,也以大地魚湯煮至入味,「時代變,而家做車仔麵絕不簡單,幾乎樣樣餸菜都有自己的醬汁,自己的煮法。」煮法繁複,加上香港的世界級租金,價錢當然無法回到當年的街坊價,但最平一碗(三餸)也只是$35,在今天愈來愈離地的車仔麵世界,仍然親民得多,難怪每日仍然有舊秀茂坪街坊專程回來,叙舊吃麵。

秘製辣魷魚 $12/份。每次只做約十份,賣光了再做,醃得爽彈不韌。醃料是按馬先生當年的秘方再改良而成。
魷魚,韭菜,豬紅 $每款 $9 – $12(乾餸 )。豬紅爽口不濁, 魷魚入味唔韌,好受食客追捧。
大腸洗得乾淨無異味,滷水醃得入味。
牛舌心,牛腩,大腸配油麵 (咖哩汁 ) $44
坊間不算多見的牛舌心,只取牛舌中心最嫩滑的部份,好吃!
油麵不錯,最少不會太腍身無咬口。

 

南乳醃得豬手微甜入味,啖啖香腍。
咖喱魚蛋,南乳豬手,小花菇配米粉 (秘製辣汁 ) $41
辣汁自製,以 4種不同辣度的辣椒油 //粉混成,辣而帶香。
米粉略略過腍,可以再爽身一點。
雞翼尖加了黃薑粉及咖喱粉去醃,按馬先生的標準,一定要醃至雞肉雞骨一咬即分開才合格。
湯底以大量豬筒骨熬成,色清而夠味。
雞中翼,柱侯牛筋,牛腩配油麵 (沙嗲汁 ) $44
沙嗲醬好正!香濃不死鹹。

35座車仔麵
地址:九龍灣牛頭角道3號得寶商場地下 A1 舖
電話:6679 1218

 【有好東西分享?】立即去Yahoo Food Facebook 專頁投稿/片