【九龍灣美食】廠廈人氣小店!$70滑雞飯+原個椰皇燉湯

人人都食雞,唔通人人都識食雞?帶著這條問題,走到九龍灣這間近排人氣好旺的小店,老闆之一陳先生(Peter)不是做飲食出身,但自認咀刁要求高:「在香港,吃活雞太貴,普遍的冰鮮雞又毫無雞味。」後來一次機遇,在國內一場飯局中吃到朋友煮的家鴨,「鴨香得不得了」,細問得知,原來「雞無雞味」並非雞種之罪,也不是廚師之錯,一切都是冰鮮物流之過。

 【立即讚好】全新 Yahoo Food Facebook 專頁

開業一個多月,宣傳不多,午市已經日日爆場。
食客十之八九都是叫招牌「雞飯套餐」, $68有飯加原盎椰王燉湯,幾抵食。 (受訪者提供照片 )
浸煮後的古香雞吊起備用,現時日賣約 120隻,又被中式酒樓垂青,每月供貨逾千隻。
店主之一陳先生 (Peter)本身從事電腦零件生意,因為嘴饞愛吃,加上有位家禽專家朋友作拍檔,決定在九龍灣廠廈開設自家製的雞場加餐廳。

「國內持牌的屠宰場每日殺十幾萬隻雞,每日都要準時出車,交貨到香港,根本無可能花咁多時間處理好每隻的保鮮工序,單單是第一批劏的,和最後一批劏的,已經相隔最少6小時。」陳先生說。他有位猛人拍檔是「家禽專家」,專門替不同飼養場做顧問,研究飼料及放養方法。二人一致同意,要雞夠味且滑,就要從源頭保鮮著手,所以他們把2部特製的製冷機運到國內屠場,負責清洗雞隻。為了應付長時間的運輸,「每隻雞都會有獨立3個冷凍包保溫,1個放雞胸,2個放左右2邊雞翼」,其他人一個膠架放15隻雞,他只放10隻,「多了的位會放更多雪,先可以確定雞隻夠凍。」

負責保溫的「冷包」以處理過的冷水製成,每隻雞有 3個,分別放在 2邊雞翼及雞胸,比一般冷凍雞多。
雞隻每朝天未光運到店,清洗後就會放於雞湯浸煮約 40分鐘,再過 1.5小時冷河,令雞隻皮爽肉嫩。

至於雞種,則是香港人熟悉的清遠雞,取其雞味濃,又只挑少於120日大的,1.1公斤至1.2分斤內的雌雞,因為「太老的夠味但肉嚡,太嫩的又不夠雞味。」每日6am前,低溫處理的雞隻就會送到店門前,大廚在工場清洗後,會浸40分鐘以瑤柱、金華火腿、赤肉、香葉、大地魚等熬成的雞湯,過1.5小時冷河,再吊起待乾,就成為招牌「古香雞」。加上工場外就是餐廳,浸完即斬即吃,雞肉當然更能保鮮。 

師傅手勢熟練,斬得乾淨。
古香雞 $85/半隻。室溫上碟,皮非常爽嫩,雞肉好滑帶足夠水份,重點是雞味明顯比坊間的香得多。

古香雞外,另一招牌椰皇燉湯,現時日賣200個都幾乎日日沽清,陳先生一樣由自身出發,「想食飯時有啖老火湯飲下」。用原個海南椰皇,配蟲草花、雞腳、無花果、海底椰等不時轉換,入櫃熬約2小時即成。來這裡的人不會有選擇困難症,因為menu好簡單,3個飯餐:古香雞飯、格格肉飯(類似東坡肉)及肉餅飯,單叫$45,連椰王燉湯$70。食物實而不華,標格合理,難怪已經是附近上班族的午市指定飯堂。

古香雞飯 $45 (連椰皇燉湯 $70)
清遠雞脂肪不多,但雞味足且肉滑,又以雞湯浸煮過,就算不蘸豉油都好夠味。
肥美滑口。
「格格肉」類似東坡肉,半肥瘦腩肉會先炸香,再以自製醬汁炆煮。
飄香格格肉飯連椰皇燉湯 $70
肉外層微脆香口,醬汁加了柱喉醬,微甜好吃。
瑤柱古香雞粥 $70()$35()。以雞件及瑤柱熬足 1.52小時的雞粥配古香雞,雞粥非常甜!
用原盅海南島椰子,燉足 2小時。
椰皇燉湯 $40/盅,連飯餐 $70
配料不定時轉換,採訪日就是蟲草花及雞腳,椰香十足,肉味夠鮮甜。
外賣送湯會以保鮮紙防倒瀉,細心。

美食天堂古香雞

地址: 同力工業中心B 12, 19 Lam Hing St, Kowloon Bay

電話: 2326 5999/Whatsapp5987 1060

營業時間:星期一至六 10:30am – 7pm

【有好東西分享?】立即去Yahoo Food Facebook 專頁投稿/片